تحریک انصاف نے حیدر آباد کے حلقہ قومی اسمبلی این اے 225 حیدر آباد سے خاوند بخش جہیجو کو بطور امیدوار نامزد کردیا

جمعرات 21 جون 2018 21:30

کراچی(اُردو پوائنٹ اخبارتازہ ترین - آن لائن۔ 21 جون2018ء) پاکستان تحریک انصاف نے حیدر آباد کے حلقہ قومی اسمبلی این اے 225 حیدر آباد سے خاوند بخش جہیجو کو بطور امیدوار نامزد کردیا۔ اس کا باقاعدہ اعلان پی ٹی آئی سندھ کے صدر ڈاکٹر عارف علوی نے اپنے ٹوئٹر کے اکائونٹ سے کیا۔

(جاری ہے)

سابق رکن قومی اسمبلی ڈاکٹر عارف علوی کا کہنا تھا کہ خاوند بخش جہیجو پارٹی کے سینئر رکن ہیں ۔ پی ٹی آئی کی طرف سے این اے 225کا امیدوار نامزد کیے جانے پر ہم انہیں مبارکباد پیش کرتے ہیں ۔ ہمیں امید ہے کہ خاوند بخش جہیجو پی ٹی آئی کا بہترین انتخاب ثابت ہوں گے اور الیکشن میں کامیابی حاصل کرکے رکن قومی اسمبلی بنیں گے۔