مسافر اور مال بردار گاڑیوں کے ڈرائیوروں کیلئے تمام بیٹ ایریا ز میں فری میڈیکل کیمپوں کا انعقاد

جمعرات 21 جون 2018 20:50

اسلام آباد(اُردو پوائنٹ اخبارتازہ ترین - آئی این پی۔ 21 جون2018ء) ڈی آئی جی این فائیو نارتھ زون محبوب اسلم کی ہدایت پر سیکٹر این فائیو نارتھ ون میں ایس ایس پی وحید الرحمان خٹک کی زیرِ نگرانی مسافر بردار اور مال بردار گاڑیوں کے ڈرائیور حضرات کے لیے تمام بیٹ ایریا ز میں فری میڈیکل کیمپوں کا انعقاد کیا گیا ۔

(جاری ہے)

اس موقع مختلف طبی مراکز کے طبی ماہرین /ڈاکٹرز کی خدمات برئوے کار لاتے ہوئے ڈرائیورز کے مفت طبی معائنہ کے ساتھ ساتھ اہم احتیاطی تدابیر و انسداد کی بابت معلومات فراہم کی گئیں ۔

طبی معا ئنہ عمومی جسمانی تجزیہ کے ساتھ ساتھاڈرائیورز کا شوگر ، فشارِ خون ،اور نظری معائنہ بھی کیا گیا ۔ نیز ڈائیورز صاحبان کو صحت افزاء خوراک، ضروری آرام ،ورزش اور باقاعدہ طبی معائنہ کے متعلق ادویات و ہدایات بہم فراہم کی گئیں ۔ ڈی آئی جی محبوب اسلم نے اس بات پر زور دیا کہ موٹروے پولیس اور عوام میں باہمی تعلقات کو بہتر بنانے کے لیے اس طرح کی سر گرمیاں کلیدی کردار ادا کرتی ہیں اور مستقبل میں بھی اس تسلسل کو قائم رکھا جائے گا ۔