ذوالفقار آباد آئل ٹینکرز پارکنگ ٹرمینل منتقلی کو یقینی بنایا جائے گا۔ میئر کراچی وسیم اختر
جمعرات 21 جون 2018 20:40
(جاری ہے)
اجلاس کے آغاز میں عظیم مزاح نگار مشتاق احمد یوسفی اور سابق سٹی کونسلر مظفر احمد ہاشمی اور دیگر کے انتقال پر کونسل نے رنج و غم کا اظہار کیا اور ان کے لئے دعائے مغفرت کی گئی۔
اس موقع پر اظہارخیال کرتے ہوئے حنیف سورتی، عارف خان ایڈوکیٹ، صاحب خان جسکانی، رفعت ایڈوکیٹ، تاج الدین صدیقی اور انجینئر محمد عامر نے مشتاق احمد یوسفی کی اردوادب کے لئے خدمات کے اعتراف میں کراچی کی کسی سڑک ، پارک، لائبریری، اسپتال یا ریسرچ سینٹر کو ان کے نام سے موسوم کرنے کی تجویز پیش کی۔ بعد ازیں اجلاس میں چیف جسٹس آف پاکستان اور میئر کراچی وسیم اختر کو آئل ٹینکرز کی شہر سے منتقلی پر خراج تحسین پیش کرنے کے لئے اتفاق رائے سے منظور کی گئی قرارداد میں کہا گیا کہ کراچی کے شہری ایک طویل عرصے سے اس بات کے خواہش مند تھے۔ اجلاس نے فریئر ہال کی دیکھ بھال اور تاریخی ورثے کی حفاظت کے لئے بلدیہ عظمیٰ کراچی اور گارجین بورڈ کے درمیان ہونے والے معاہدے اور نہر خیام پروجیکٹ کی ترقی ، دیکھ بھال اور انتظام و انصرام کے لئے بلدیہ عظمیٰ کراچی اور P.A.N.I کے درمیان معاہدے پر مبنی قراردادوں کی بھی اتفاق رائے سے منظوری دی۔ میئر کراچی وسیم اختر نے ان قراردادوں کے حوالے سے کہا کہ معاہدوں میں شفافیت کو یقینی بنانے کے لئے سندھ حکومت کے سیکریٹری اور واٹر بورڈ کے نمائندے کو بھی شامل کیا گیا ہے۔ محکمہ چارجڈ پارکنگ کے تحت شہر کے 24 مقامات پر چارجڈ پارکنگ فیس کی وصولی برائے سال 2018-19ء کے ٹھیکے کی ڈسٹرکٹ کی سطح پر منظوری کے حوالے سے پیش کی گئی قرارداد اپوزیشن اراکین کے اعتراض کے بعد چارجڈ پارکنگ کمیٹی کو اس ہدایت کے ساتھ ارسال کردی گئی کہ ایک ماہ میں اس پر اپنی رپورٹ کونسل میں پیش کرے۔ اجلاس کے دوران میزانیہ برائے سال 2016-17ء اور 2017-18ء کے دوران اب تک مکمل کئے جانے والے منصوبوں اور معاہدات کی توثیق و تائید کے علاوہ مختلف محکمہ جات کے 50 لاکھ اور اس سے زائد منظور کی جانے والی رقوم کی منظوری دی گئی جبکہ میئر کراچی کے احکامات کے تحت مختلف مدات میں کی جانے والی ضروری ردوبدل کی بھی منظوری دی گئی۔ اجلاس میں پروجیکٹ ڈائریکٹریٹ ٹرمینلز کے روزمرہ اخراجات کے لئے ایمپریسٹ اکائونٹ سے متعلق معاملے پر مالیات کمیٹی / محکمہ مالیات سے رائے حاصل کرکے اس کی روشنی میں معاملہ کونسل کے روبرو پیش کرنے کی ہدایت کے ساتھ متعلقہ محکمے کو واپس ارسال کرنے کی منظوری مبنی قرارداد کی بھی اتفاق رائے سے بھی منظوری دی گئی۔متعلقہ عنوان :
مزید اہم خبریں
-
ریٹائرمنٹ کے بعد قانونی رکاوٹ توڑنے اور غلط بیانی کا کیس
-
سیاسی اور معاشی استحکام عمران خان کے بغیر نہیں آسکتا
-
مینار پاکستان پر کبوتر اڑانے والے کے ہاتھوں کے طوطے اڑ گئے ہیں‘شوکت بسرا
-
دوسری شادی کیلئے پہلی بیوی سے اجازت ضروری نہیں، فتویٰ جامعہ نعیمیہ
-
تنخواہوں کی مد میں 513ارب73کروڑ ،392ارب10کروڑ پنشن کی مد میں خرچ ہونگے
-
کسانوں کو ٹیوب ویل کے لئے سولر پینل دینے کا اصولی فیصلہ،مریم نوازشریف نے پلان طلب کرلیا
-
عارضی اقدامات کافی نہیں ،پرائس کنٹرول کے لئے ٹھوس پالیسی لائی جائے‘محمد نوازشریف
-
صوبائی کابینہ کا دوسرا اجلاس، بجٹ کی منظوری ،تاریخ کا بہترین رمضان پیکیج پیش کرنے پرمریم نوازشریف کو خراج تحسین
-
وزیراعلی پنجاب اورمحمد نواز شریف کی زیر صدارت خصوصی اجلاس،زراعت سے متعلق امور پر غور
-
ایف آئی اے کو درخواست دی ہے مجھے کچھ ہوا تو ذمہ دارشہباز شریف، مریم نوازہوں گے، شیر افضل مروت
-
امریکی سفیر ڈونلڈ بلوم کی وزیر خارجہ اسحاق ڈار سے ملاقات، دوطرفہ تعلقات پر گفتگو
-
عمران خان کی سزا کیخلاف اپیل: حکومت بتائے سائفر میں ایسا کیا لکھا ہی اسلام آباد ہائیکورٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.