عالمی ادارے کا پاکستانی صحافیوں کے اغوا پر اظہار تشویش ،ْ

صدر ،ْ نگران وزیر اعظم ،ْ چیف جسٹس کو خطوط لکھ دیئے میڈیا پر قدغن سے معلومات تک رسائی کے لوگوں کے بنیادی حق کی بھی نفی ہورہی ہے ،ْ خطوط کا متن

منگل 19 جون 2018 14:23

لندن (اُردو پوائنٹ اخبارتازہ ترین - این این آئی۔ 19 جون2018ء) آزادی صحافت کیلئے کام کرنے والے عالمی ادارے انٹرنیشنل پریس انسٹی ٹیوٹ نے پاکستان میں صحافیوں کے اغوا اور چینلز کے بندش کے واقعات پر تشویش کا اظہار کرتے ہوئے صحافتی آزادی کا تحفظ یقینی بنانے کا مطالبہ کیا ہے۔

(جاری ہے)

انٹرنیشنل پریس انسٹی ٹیوٹ کی ایگزیکٹو ڈائریکٹر باربرا کی جانب سے قائم مقام وزیر اعظم پاکستان ، چیف جسٹس ، چیف الیکشن کمشنر ، سینیٹ کے چیئرمین ،قائد حزب اختلاف اور سیاسی قیادت کو خطوط لکھے گئے ہیں۔

خطوط میں حالیہ عرصے میں صحافیوں کے اغوا کے واقعات اور میڈیا اداروں کی بندش سے متعلق خبروں کے نشاندہی کی گئی ہے۔عام انتخابات سے قبل ایسے اقدامات کو آزادی صحافت اور جمہوری اقدار کے منافی قرار دیا گیا ہے ۔خط میں کہا گیا ہے کہ میڈیا پر قدغن سے معلومات تک رسائی کے لوگوں کے بنیادی حق کی بھی نفی ہورہی ہے۔خط میں اس بات پر زور دیا گیا ہے کہ ملک میں آزادی صحافت کے لئے ماحول ساز گار بنایا جائے ۔