کراچی کے حلقہ این اے 245 سے فاروق ستار کے کاغذات نامزدگی مسترد

ایم کیوایم رہنما فاروق ستار 2 مقدمات میں مفرور ہیں ،ْ کاغذات نامزدگی میں مفروری کا ذکر نہیں کیا ،ْ ریٹرننگ افسرو

منگل 19 جون 2018 13:41

کراچی کے حلقہ این اے 245 سے فاروق ستار کے کاغذات نامزدگی مسترد

کراچی(اُردو پوائنٹ اخبارتازہ ترین - این این آئی۔ 19 جون2018ء) ایم کیوایم کے رہنما ڈاکٹر فاروق ستار کے این اے 245 سے کاغذات نامزدگی مسترد کردیئے گئے۔

(جاری ہے)

ڈاکٹر فاروق ستار نے عام انتخابات میں حصہ لینے کے لیے قومی اسمبلی کی نشست پر کراچی کے تین حلقوں سے کاغذات نامزدگی جمع کرائے ہیں جن میں این اے 245،241 اور 247 کے حلقے شامل ہیں۔ریٹرننگ افسر احسان خان نے حلقہ این اے 245 سے ڈاکٹر فاروق ستار کے کاغذات نامزدگی کی جانچ پڑتال کی جس کے بعد انہیں مسترد کردیا گیا۔ریٹرننگ افسر نے بتایا کہ ایم کیوایم رہنما فاروق ستار 2 مقدمات میں مفرور ہیں اور انہوں نے کاغذات نامزدگی میں مفروری کا ذکر نہیں کیا جس بناء پر ان کے کاغذات مسترد کیے گئے۔