عائشہ گلالئی کے کاغذات نامزدگی چیلنج،آر او نے اعتراض کنندہ اورعائشہ گلالئی کو ایک ساتھ طلب کرلیا

عائشہ گلالئی آرٹیکل 62، 63 پرپورا نہیں اترتی، خود کوبے گناہ ثابت کرنے کے لئے عوام کو عمران خان کے میسجزکا ریکارڈ فراہم کریں ،ْ اعتراضات

پیر 18 جون 2018 17:40

اسلام آباد (اُردو پوائنٹ اخبارتازہ ترین - این این آئی۔ 18 جون2018ء) مخدوم نیازانقلابی ایڈووکیٹ نے عائشہ گلالئی کے کاغذات نامزدگی چیلنج کرتے ہوئے اعتراضات دائرکرا دئیے جس پرریٹرننگ آفیسرنے عائشہ گلالئی کو اعتراضات کی کاپی فراہم کرتے ہوئے اعتراض کنندہ اورعائشہ گلالئی کو ایک ساتھ طلب کرلیا۔

(جاری ہے)

تفصیلات کے مطابق عائشہ گلالئی کے کاغذات نامزدگی چیلنج کرتے ہوئے اعتراض کنندہ کا کہنا تھا کہ عائشہ گلالئی حلقے کے عوام کے مفادات میں الیکشن نہیں لڑ رہیں ،ْوہ عمران خان پر نازیبا اور غیراخلاقی میسجز کا ثبوت نہیں دے سکیں اور نہ ہی انہوں نے الزامات پر کوئی ایف آئی آر درج کرائی۔

اعتراض کنندہ کا کہنا تھا کہ عائشہ گلالئی آرٹیکل 62، 63 پرپورا نہیں اترتی، خود کوبے گناہ ثابت کرنے کے لئے عوام کومیسجزکا ریکارڈ فراہم کریں۔اس پر عائشہ گلالئی کا کہنا تھا کہ میرے اثاثوں میں اضافہ ہوا ہے،میں نے ایک ہفتے پہلے بینک اکائونٹ کھلوایاہے۔ریٹرننگ آفیسرنے عائشہ گلالئی کو اعتراضات کی کاپی فراہم کرتے ہوئے اعتراض کنندہ اورعائشہ گلالئی کو ایک ساتھ طلب کرلیا۔