حویلی لکھا‘ ہائی وولٹیج تاروں کواونچانا کرنے پہ نواحی گاو،ْں کے سینکڑوں ڈندا بردار مظاہرین نے واپڈا آفس کے سامنے دھرنا دے دیا

پیر 18 جون 2018 15:20

حویلی لکھا(اُردو پوائنٹ اخبارتازہ ترین - این این آئی۔ 18 جون2018ء) ہائی وولٹیج تاروں کواونچانا کرنے پہ نواحی گاو،ْں کے سینکڑوں ڈندا بردار مظاہرین نے واپڈا آفس کے سامنے دھرنا دے دیا ،اطراف کی تمام سڑکیں بلاک کرکے ٹائر نظر آتش کردیئے ،پولیس اور متعلقہ حکام سے کامیاب مذاکرات کے بعد مظاہرین پُرامن طور پہ منتشر ۔

(جاری ہے)

سابق آئی جی پنجاب پولیس کے آبائی گاو،ْں قلعہ دیوا سنگھ کے رہائشی سینکڑوں ڈنڈا بردار مظاہرین نے واپڈ آفس کے باہر ہائی وولٹیج تاروں کی زد میں آکر جاں بحق ہونے والے عمر رسیدہ شخص کی لاش کے ہمراہ دھرنا دے دیا واپڈا دفتر کے اطراف کی تمام سڑکوں کو ٹائر جلا کر اور دیگر روکاوٹیں کھڑی کرکے بلاک کردیا گیا اور واپڈا حکام کے خلاف شدید نعرے بازی کی مطاہرین نے ،،جہان پاکستان،، کو بتایا کہ انہوں نے واپڈا حکام کو بارہا منتیں کی ہیں کہ اُن کے گاو،ْں سے گزرنے والی بجلی کی ہائی وولٹیج تاروں کو اونچا کیا جائے تاہم کسی کے کانوں پہ جوں تک نہیں رینگی جس کے باعث آئے روز بجلی کی تاروں سے انسانی اموات کا سلسلہ جاری ہے مظاہرین نے گزشتہ روز انہیں تاروں کی زد میں آکر جاں بحق ہونے والے شخص(پنو) کی میت بھی مظاہرے کے دوران ساتھ لارکھی تھی تاہم پُرامن مظاہرین کی قیادت کرنے والے اعجاز سکھیرا نے متعلقہ واپڈا احکام اور پولیس سے مذاکرات کیئے اور واپڈا حکام کی جانب سے تاروں کو اونچاکرنے اورپولیس کی جانب سے قانونی کاروائی کی یقین دہانی کے بعد مظاہرین پُرامن طور پہ منتشر ہوگئے۔