کونجیورنگ 3 اور اینابیل کی تیسری فلم پر بھی کام کیا جارہا ہے

کونجیورنگ 3 اور اینابیل کی تیسری فلم پر بھی کام کیا جارہا ہے‘یہ فلم رواں سال 7 ستمبر کو ریلیز کی جائے گی

جمعہ 15 جون 2018 11:30

نیویارک (اُردو پوائنٹ اخبارتازہ ترین - این این آئی۔ 15 جون2018ء) کونجیورنگ 2 کے ایک منظر میں دکھائی جانے والی نن پر فلم بن رہی ہے جس کا پہلا ٹیزر ٹریلر ریلیز کردیا گیا ہے اور پہلی جھلک بھی دہشت زدہ کردینے کے لیے کافی ہے۔اس فلم کی کہانی ایک شیطانی نن کے گرد گھومتی ہے اور بتایا گیا ہے کہ اس کا تعلق رومانیہ سے تھا جس نے خودکشی کرلی۔

(جاری ہے)

فلم کے پلاٹ کے مطابق ایک پادری اور اس کے ایک ساتھی کو اس معاملے کی تحقیقات کے لیے بھیجا جاتا ہے اور وہ مل کر ایک راز کی کھوج لگاتے ہیں۔

اس فلم کی ہدایات کورین ہارڈی نے دی ہے جبکہ کونجیورنگ کے ڈائریکٹر جیمز وان پروڈیوسر ہیں۔یہ اس سیریز کی 5 فلم ہے، جس کا آغاز 2013 میں کونجیورنگ سے ہوا، جس کے بعد 2014 میں اینابیل ریلیز ہوگئی، 2016 میں کونجیورنگ 2 اور 2017 میں اینابیل: کریشئین سامنے آئی۔کونجیورنگ 3 اور اینابیل کی تیسری فلم پر بھی کام کیا جارہا ہے۔اس فلم کا ٹریلر بھی ہوسکتا ہے کہ اسے دیکھنے کے لیے آپ کا اشتیاق بڑھا دے۔یہ فلم رواں سال 7 ستمبر کو ریلیز کی جائے گی۔