آصف علی زر داری اور عمران خان کے کاغذات نامزدگی پر اعتراضات اٹھا دیئے گئے
تازہ ترین : 1

آصف علی زر داری اور عمران خان کے کاغذات نامزدگی پر اعتراضات اٹھا دیئے گئے

کراچی (اُردو پوائنٹ اخبارتازہ ترین۔ 14 جون2018ء) سابق صدر آصف علی زرداری اور چیئرمین تحریک انصاف عمران خان کے کاغذات نامزدگی پر اعتراضات اٹھا دیے گئے ہیں۔ نوابشاہ میں دو درخواست گزاروں نے آصف علی زرداری کے نامزدگی فارم پر اعتراض اٹھاتے ہوئے کہا کہ انہوں نے زرعی ٹیکس اور نہری پانی کے استعمال کا ٹیکس نہیں دیا اس لیے انہیں الیکشن کیلئے نااہل قرار دیا جائے۔

ایک درخواست گزار نے مؤقف اختیار کیا کہ آصف زرداری نے سانگھڑ میں 1500 ایکڑ زمین خریدی تاہم اس پر زرعی ٹیکس نہیں دیا۔ ریٹرننگ آفیسر محمد محبوب اعوان نے درخواستیں سنتے ہوئے آصف علی زرداری کو نوٹس جاری کر دیا ،ْ درخواستوں پر سماعت 18 جون کیلئے مقرر کر دی گئی۔یاد رہے کہ پیپلز پارٹی کے شریک چیئرمین آصف علی زرداری نے قومی اسمبلی کے حلقہ این اے 213 شہید بے نظیرآباد سے کاغذات نامزدگی جمع کرائے ہیں۔

آصف علی زرداری کے مدمقابل سندھ ترقی پسند پارٹی کے چیئرمین ڈاکٹر قادر مگسی نے کاغذات نامزدگی جمع کرا رکھے ہیں ،ْدوسری جانب چیئرمین تحریک انصاف عمران خان کے این اے 131 لاہور سے جمع کرائے گئے کاغذات نامزدگی پر جسٹس اینڈ ڈیموکریٹک پارٹی کی جانب سے اعتراضات اٹھائے گئے ۔ ریٹرننگ افسر نے عمران خان کو 18 جون کو ذاتی حیثیت میں طلب کرلیا ،ْ دستاویزی اعتراضات کے شواہد عمران خان کو بھی بھیجنے کا حکم دیا گیا ہے۔

مزید متعلقہ خبریں پڑھئیے‎ :

وقت اشاعت : 14/06/2018 - 14:39:08

اس خبر پر آپ کی رائے‎