نیب ریفرنسز میں پیروی کیلئے نواز شریف کے نئے وکیل جہانگیر جدون نے وکالت نامہ جمع ..
تازہ ترین : 1

نیب ریفرنسز میں پیروی کیلئے نواز شریف کے نئے وکیل جہانگیر جدون نے وکالت نامہ جمع کرادیا

نیب ریفرنسز میں پیروی کیلئے نواز شریف کے نئے وکیل جہانگیر جدون نے وکالت ..
سلام آباد: سابق وزیراعظم نواز شریف اور ان کے خاندان کے خلاف نیب ریفرنسز میں ان کی جانب سے پیروی کے لیے نئے وکیل نے اپنا وکالت نامہ جمع کرادیا۔احتساب عدالت کے جج محمد بشیر نے ایون فیلڈ ریفرنس کی سماعت کی، اس موقع پر نواز شریف کی جانب سے جہانگیر جدون نے وکالت نامہ داخل کرادیا۔۔نواز شریف کے خلاف نیب کے تینوں ریفرنسز، العزیزیہ اسٹیل ملز، فلیگ شپ انویسمنٹ اور ایون فیلڈ پراپرٹیز ریفرنس میں جہانگیر جدون ایڈووکیٹ سابق وزیراعظم کی وکالت کریں گے۔

اس سے قبل نواز شریف کے وکیل خواجہ حارث نے سپریم کورٹ کی جانب سے احتساب عدالت کو ہدایات دینے پر کیس کی پیروی سے معذرت کرلی تھی۔ سابق وزیراعظم اور مریم نواز کو عدالت نے آج کے لئے حاضری سے استثنیٰ دے رکھا تھا جس کے بعد نواز شریف اور مریم نواز آج لندن روانہ ہو گئے ہیں جب کہ مریم نواز کے وکیل امجد پرویز بھی آج پیش نہ ہوئے۔۔عدالت کو بتایا گیا کہ امجد پرویز کی طبیعت خراب ہے جس کی وجہ سے وہ پیش نہیں ہوسکتے جس پر عدالت نے مریم نواز کے وکیل امجد پرویز کو 19 جون کو حتمی دلائل کے لیے آخری موقع دے دیا اور کیس کی مزید سماعت بھی اسی روز ہوگی۔

مزید متعلقہ خبریں پڑھئیے‎ :

وقت اشاعت : 14/06/2018 - 10:44:56

اس خبر پر آپ کی رائے‎