تحریک انصاف کی ڈاکٹر یاسمین راشد نے مریم نواز کے کاغذات نامزدگی کو چیلنج کردیا

2011میں مریم نواز نے ٹی وی پر بیٹھ کر برملا جھوٹ بولا،مریم نواز اپنے ٹیکس گوشواروں پاسپورٹ، شناختی کارڈاور آف شور کمپنیوں کے لئے انگریزی کے مختلف سپیلنگز استعمال کرتی رہیں‘امیدوار این ای125ڈاکٹر یاسمین راشد کا موقف

بدھ 13 جون 2018 20:00

لاہور(اُردو پوائنٹ اخبارتازہ ترین - آئی این پی۔ 13 جون2018ء) تحریک انصاف کی سینئر رہنما اور این ای125 سے امید وار ڈاکٹر یاسمین راشد نے تحریک انصاف کی جانب سے مریم نواز کے کاغذات نامزدگی چیلنج کرتے ہوئے اعتراضات داخل کر دیئے۔ ڈاکٹر یاسمین راشد کی جانب سے مریم نواز کے کاغذات نامزدگی پر 20 اعتراض داخل کرائے گئے۔

(جاری ہے)

ڈاکٹر یاسمین راشد نے اعتراضات میں کہاکہ 2011میں مریم نواز نے ٹی وی پر بیٹھ کر برملا جھوٹ بولا،مریم نواز اپنے ٹیکس گوشواروں پاسپورٹ، شناختی کارڈاور آف شور کمپنیوں کے لئے انگریزی کے مختلف سپیلنگز استعمال کرتی رہیں، کاغذات نامزدگی میں مریم نواز نے زرعی آمدن کی تفصیلات فراہم نہیں کیں،مریم نواز کی جانب سے زیورات اور دیگر قیمتی اشیا کی تفصیلات بھی پوشیدہ رکھی گئیں،جے آئی ٹی کی تحقیقات کی روشنی میں مریم نواز لندن جائیدادوں کی بینیفشل مالک ہیں،مریم نواز قانون اور آئین کی رو سے کسی طور انتخاب میں حصہ لینے کی اہل نہیںاس لئے مریم نواز کے کاغذات نامزدگی مسترد کئے جائیں اور انہیں نا اہل قرار دیا جائے۔