میرے کاغزات نامزدگی اسکروٹنی منظورکرلیے گئے ہیں سندھ کی عوام نے دس سال تکلیف کاٹی ہے ہم نے سندھ کے لوگوںکے مسائل اسمبلی میں اٹھائے گے ،نصرت سحر عباسی

بدھ 13 جون 2018 21:14

کراچی (اُردو پوائنٹ اخبارتازہ ترین - آئی این پی۔ 13 جون2018ء) فنکشنل لیگ کی نصرت سحر عباسی کی صوبائی الیکشن کمیشن کے باہر میڈیا سے بات چیت کرتے ہوئے کہا کہ میرے کاغزات نامزدگی اسکروٹنی منظورکرلیے گئے ہیں آیندہ اسمبلی میں ایسے لوگوں کیخلاف جنہوں نے اثاثے چھپائے ہیں ان کیخلاف آواز اٹھائو گی اس بار سب اچھا اچھا ہورہا ہے سندھ کی عوام نے دس سال تکلیف کاٹی ہے ہم نے سندھ کے لوگوں کے مسائل اسمبلی میں اٹھائے لیاری، نارتھ ناظم آباد اور دیگر علاقوں میں لوگ پانی کے لئے تڑپ رہے ہیں سندھ میں لوگوں کے پاس لاشوں میں غسل کے لئے پانی نہیں حکومت نے سندھ کے آباد گار کو تباہ کردیا گیا ہے عوام اب دوبارہ ایسے لوگوں کو آگے مت آنے دیں کئی لوگوں نے اقامے اوراثاثے چھپا رکھے ہیں میں الیکشن کمیشن کے پاس بار بار آئوگی جو لوگ یہاں سے خوش خوش جارہے ہیں ان کی اسکروٹنی ہم چیلنج کرینگے نصرت سحر عباسی نے مزید کہا کہ ناصرحسین شاہ، خورشید شاہ کے آ نے کے بعد سندھ کی سڑکوں کو تباہ کردیا گیا ہے سندھ میں یورپ دکھانے والوں کو اب سندھ کے لوگ مسترد کرے گے۔