آئندہ عام انتخابات کیلئے امیدواروں میں سے 268 سوئی ناردرن گیس پائپ لائنز کے بھی نادہندہ نکلے

پرویز خٹک 10 کروڑ 65 لاکھ، حاجی غلام احمد بلور 14 کروڑ 46 لاکھ اور امجد خان آفریدی 21 کروڑ 62 لاکھ روپے کے نادہندہ ہیں ،ْرپورٹ

بدھ 13 جون 2018 16:21

اسلام آباد (اُردو پوائنٹ اخبارتازہ ترین - این این آئی۔ 13 جون2018ء) آئندہ عام انتخابات کیلئے امیدواروں میں سے 268 سوئی ناردرن گیس پائپ لائنز کے بھی نادہندہ نکلے ہیں، پرویز خٹک 10 کروڑ 65 لاکھ، حاجی غلام احمد بلور 14 کروڑ 46 لاکھ اور امجد خان آفریدی 21 کروڑ 62 لاکھ روپے کے نادہندہ ہیں۔ سوئی ناردرن گیس پائپ لائنز کی جانب سے آئندہ عام انتخابات کے امیدواروں میں 268 نادہندہ افراد کی فہرست الیکشن کمیشن کو بھجوا دی ہے جس کے مطابق پی ٹی آئی کے پرویز خٹک 10 کروڑ 65 لاکھ روپے کے نادہندہ ہیں، اے این پی کے حاجی غلام احمد بلور 14 کروڑ 46 لاکھ، این اے 18 سے امیدوار حاجی دلدار خان 17 کروڑ روپے، الیاس بلور 55 ہزار روپے، پی ٹی آئی کے میاں محمودالرشید 28 ہزار روپے کے ڈیفالٹر ہیں۔

پی کے 80 سے امیدوار امجد خان آفریدی نے ایس این جی پی ایل کے 21 کروڑ 62 لاکھ روپے ادا نہیں کیے، ن لیگ کی تہمینہ دولتانہ 10 لاکھ 57 ہزار روپے کی نادہندہ جبکہ حامد سعید کاظمی کے ذمے 31ہزار 500 روپے واجب الادا ہیں۔

(جاری ہے)

راجا راشد حفیظ 74 لاکھ روپے، پی ٹی آئی کے سمیع حسن گیلانی 69 لاکھ 46 ہزار روپے، این اے 175 سے غلام رسول کوریجہ 42 ہزار روپے کے نادہندہ ہے۔الیکشن کمیشن کے مطابق آئین کے تحت یوٹیلیٹی بلز کا 10 ہزار روپے سے زائد کا نادہندہ الیکشن میں حصہ نہیں لے سکتا۔