برازیلین فٹبالرز نے کوٹینہو کوسالگرہ کے دن انڈوں اور آٹے میں نہلا دیا

بدھ 13 جون 2018 14:54

سوچی(اُردو پوائنٹ اخبارتازہ ترین - آئی این پی۔ 13 جون2018ء) ورلڈ کپ کے حوالے سے ٹریننگ کے دوران برازیلین کھلاڑیوں نے اپنے ساتھی فلپ کوٹینہو کو 26 ویں سالگرہ پر انڈوں اور آٹے میں نہلا دیا۔

(جاری ہے)

برازیل میں یہ روایت ہے کہ کسی کی سالگرہ پر اس پر انڈے اور آٹا ڈالا جاتا ہے، ٹریننگ سیشن کے دوران بھی کھلاڑیوں نے نہ صرف کوٹینہو پر انڈے ڈالے بلکہ ایک دوسرے کو بھی نشانہ بنایا، نیمار بھی اس کھیل میں مگن دکھائی دیے۔اگرچہ سوچی میں درجہ حرارت 30 سینٹی گریڈ اور ابتدائی میچز میں گرمی برقرار رہنے کی توقع ہے تاہم برازیلین ٹیم نے اہم ترین معرکوں سے قبل اپنے اعصاب کو بالکل ٹھنڈا رکھا ہوا ہے۔