کامونکے، موٹر سائیکل سوار دو نامعلوم افراد نے اندھا دھند فائرنگ کرکے شہید جبکہ اُسکی بیوی کو شدید زخمی کر دیا

مقتول اسلم بھنڈ ر پانچ بچوں کا باپ پنجاب پولیس کا اے ایس آئیتھا

جمعہ 8 جون 2018 19:54

کامونکی(اُردو پوائنٹ اخبارتازہ ترین - آن لائن۔ 08 جون2018ء) موٹر سائیکل سوار دو نامعلوم افراد نے اندھا دھند فائرنگ کرکے فوتگی سے واپس آنے والے پانچ بچوں کے باپ پنجاب پولیس کے اے ایس آئی کو شہید کردیا جبکہ اُسکی بیوی شدید زخمی ہوگئی۔

(جاری ہے)

بتایا گیا ہے کہ گذشتہ روز نواحی گائوں اگو بھنڈر کا چالیس سالہ پنجاب پولیس کا اے آئی ایس اسلم بھنڈ ر اور اُسکی بیوی ارشاد بی بی نانگر ے دادن میں اپنے کسی عزیز کی فوتگی سے واپس موٹر سائیکل پر گائوں جارہے تھے کہ موضع بلووالی کے نزدیک موٹر سائیکل سوار دو نامعلوم افراد نے اُن پر اندھا دھند فائرنگ شروع کردی جس کے نتیجہ اے ایس آئی اسلم بھنڈر زخموں کی تاب نہ لاتے ہوئے موقع پر ہی شہید ہوگیااور اُسکی اہلیہ ارشاد بی بی کو فوری طبی امداد کیلئے ڈسٹرکٹ ہیڈ کوارٹر ہسپتال پہنچایا گیا ۔

جہاں سے تشویش ناک حالت کے پیش نظر اُسے لاہور میو ہسپتال منتقل کردیاگیا ۔جبکہ ایمن آباد پولیس نے نعش کو پوسٹ مارٹم کیلئے تحصیل ہیڈ کوارٹر ہسپتال پہنچا کر سائنسی طریقے سے تفتیش شروع کردی ہے۔یاد رہے کہ شہید ہونے والا اے ایس آئی اسلم بھنڈر پولیس لائن گوجرانوالہ میں تعینات تھا۔۔۔