سابق چیئرمین سینیٹ محمد میاں سومرو کا تحریک انصاف میں حتمی شمولیت کا فیصلہ ، چند روز میں عمران خان سے ملاقات کریں گے

جمعرات 7 جون 2018 23:50

اسلام آباد(اُردو پوائنٹ اخبارتازہ ترین - آن لائن۔ 07 جون2018ء) سابق چیئرمین سینیٹ محمد میاں سومرو نے تحریک انصاف میں شمولیت کا فیصلہ کر لیا، آئندہ چند روز عمران خان سے ملاقات کریں گے۔

(جاری ہے)

تفصیلات کے مطابق سابق چیئرمین سینیٹ محمد میاں سومرو نے پاکستان تحریکِ انصاف (پی ٹی آئی) میں شمولیت کا حتمی فیصلہ کر لیاہے او وہ آئندہ چند روز میں عمران خان سے ملاقات کر کے باقاعدہ طور پر تحریک انصاف میں شمولیت کا اعلان کریں گے۔یاد رہے کہ محمد میاں سومرو چیئرمین سینیٹ کے علاوہ نگرانِ وزیرِاعظم اور سابق صدر پرویز مشرف کے استعفے کے بعد قائم مقام صدر کے عہدے پر بھی براجمان رہ چکے ہیں جبکہ اس سے قبل ان کی ہمشیرہ ملیحہ سومرو بھی پی ٹی آئی کو جوائن کر چکی ہیں۔