گورنر سندھ سے مسیحی برادری کی14 رکنی وفدکی ملاقا ت، مسائل سے آگاہ کیا
ملکی تاریخ کے اہم ترین انتخابات میں اقلیتوں کا اہم کردار ہے، گورنرسندھ انتخابات میں حصہ لینے والے نمائندوں کو ہار یا جیت سے قطع نظر پاکستان کی سلامتی ، استحکام ، ترقی و خوشحالی اور ملک و قوم کے بہتر مستقبل کے لئے سوچنا ہوگا، ہار جیت کا فیصلہ کھلے دل سے تسلیم کرکے ملک میں جمہوریت کو پروان چڑھانے کی روایت اپنانا ہوگی،گورنر کی وفد سے گفتگو
بدھ 6 جون 2018 22:41
(جاری ہے)
ملاقات میں ملک کی تعمیر و ترقی میں مسیحی برادری کے کردار ، تعلیم ، صحت اور سماجی شعبہ میں مسیحی برادری کی خدمات ، مسیحی علاقوں میں درپیش مسائل ، عام انتخابات میں مسیحی برادری کی اہمیت اور اہمیت کے حامل دیگر امور پر تفصیلی تبادلہ خیال کیا گیا۔
گورنرسندھ نے مزید کہا کہ جمہویت پسند ممالک کے انتخابات میں نمائندے اپنی ہار کو نہ صرف تسلیم کرتے ہیں بلکہ نئی بننے والی حکومت کو اپنے بھرپور تعاون کی یقین دہانی بھی کراتے ہیں ہمیں اسی وڑن کے تحت پاکستان میں جمہوری روایات کو پروان چڑھانا ہوگا ، اختلاف برائے اختلا ف کی بجائے اختلاف برائے اصلاح کی پالیسی کو عام کرنا چاہئے تاکہ ملک وقوم کی بہتر خدمت کی جا سکے ،معاشرہ سے عدم برداشت کے رویہ کے خاتمے کے لئے سیاسی و مذہبی رہنمائوں کے ساتھ ساتھ اقلیتی برادری کے رہنمائوں کو بھی کردار ادا کرنا چاہئے ، عدم تشدد ، فلاح انسانیت اور قومی خدمت کے جذبہ کو فوقیت دینے سے عوام کے مسائل حل کرنے میں مدد مل سکتی ہے۔ انہوں نے کہا کہ مسیحی علاقوں میں فراہمی و نکاسی آب ، تجاوزات اور سماجی شعبہ کی ترقی کے ضمن میں عام انتخابات میں منتخب نمائندوں پر بھاری ذمہ داری عائد ہوگی کہ وہ عوام کے مسائل میں ترجیحی بنیادوں پر بھرپور اقدامات کو یقینی بنائیں تاکہ عوام کا جمہوریت پر اعتماد مزید پختہ ہو سکے۔ ملاقات میں ریورنڈ جان قادر نے مسیحی علاقوں میں فراہمی و نکاسی آب ، تجاوزات اور مسیحی عبادت گاہوں کے تحفظ کے مسائل کے حوالہ سے گورنر سندھ کو تفصیل سے آگاہ کرتے ہوئے ان کے حل میں مدد کی درخواست کی۔ انہوں نے کہا کہ پاکستان کی تعمیر وترقی میں مسیحی برادری جوش و خروش کے ساتھ کام کررہی ہے اپنے وطن کے استحکام اور معاشی نقشہ پر نمایاں مقام دلانے کے لئے مسیحی برادری بھرپور قومی خدمت کے جذبہ سے سرشار ہے ، عام انتخابات پاکستان کی ترقی و خوشحالی کی سمت کا تعین کریںگے اس ضمن میں مسیحی برادری بھی بھرپور حصہ لے رہی ہے تاکہ پاکستان میں جمہوریت مزید مستحکم اور مضبوط ہوسکے۔ #متعلقہ عنوان :
مزید اہم خبریں
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.