پانی کی قلت کے خلاف 31مئی کو واٹر بورڈ ہیڈ آفس پر احتجاجی دھر نا دیا جائے گا ،حافظ نعیم الرحمن
شدید گرمی اور رمضان المبارک میں عوام کو پانی سے محروم کر نا سراسر ظلم و زیادتی ہے ، گلشن معمار میں عوامی دعوت ِ افطار سے خطاب پانی کا بحران امن وامان کی صورتحال کے لیے خطرہ بن رہا ہے توجہ نہیں دی گئی تو حالات کی تمام تر ذمہ داری حکومت پر عائد ہو گی
پیر 28 مئی 2018 23:49
(جاری ہے)
حکومت کے روئیے نے مجبور کیا ہے کہ رمضا ن المبارک میں احتجاج کیا جائے اور سڑکوں پر نکلا جائے ۔ ان خیالات کا اظہار انہوں نے گلشن معمار میں جماعت اسلامی کے تحت ایک بڑی عوامی دعوتِ افطار سے خطاب کر تے ہوئے کیا ۔
دعوتِ افطار سے امیر گلشن معمار زون رضوان شاہ اور دیگر نے بھی خطاب کیا ۔ دعوت ِ افطار میں عوام کی بڑی تعداد نے شر کت کی ۔ حافظ نعیم الرحمن نے اپنے خطاب میں مزید کہا کہ رمضان المبارک کا ایک عشرہ ختم ہو چکا ہے اور اس دوران کراچی کے شہریوں کو شدید گرمی ،ہیٹ ویوز کا بھی سامنا کرنا پڑا اور آئندہ چند دنوں میں بھی گرمی اور ہیت ویوز کا خدشہ ہے ۔ ان حالات میں شہر کے اندر بجلی کی لوڈشیڈنگ کے ساتھ ساتھ پانی کی شدید قلت بھی پیدا ہو گئی ہے اور پریشان حال عوام جگہ جگہ پینے کے پانی کے لیے احتجاج اور مظاہرے کر رہے ہیں لیکن واٹر بورڈ کی انتظامیہ اور صوبائی و مقامی حکومتوں کی جانب سے پانی کے مسئلے کے حل کے لیے کوئی سنجیدہ کوشش اور ٹھوس اقدامات نہیں کیے جا رہے ۔ کراچی میں پانی کے بحران کے پیچھے پانی کی غیر منصفانہ تقسیم اور پانی چوری کا بڑا دخل ہے اور اس میں واٹر بورڈ کا عملہ ملوث ہے ۔ انہوں نے کہا کہ جماعت اسلامی پر امن احتجاج اور عوامی دبائو کے ذریعے اس اہم اور بنیادی نوعیت کے مسئلے کو حل کرانا چاہتی ہے اور کراچی کے عوام کی آواز آگے تک پہنچانا چاہتی ہے ۔ کراچی میں پانی کا بحران امن وامان کی صورتحال کے لیے خطرہ بن رہا ہے اگر حکومت اور واٹر بورڈ نے اس جانب توجہ نہیں دی تو حالات کی تمام تر ذمہ داری حکومت پر عائد ہو گی ۔ حافظ نعیم الرحمن نے کہا کہ رمضان المبارک رحمتوں اور بر کتوں کا مہینہ ہے ۔ اس ماہ ِ مبارک میں قرآن کریم نازل ہوا۔ حق اور باطل کا سب سے بڑا معرکہ غزوہ بدر پیش آیا ، محمد بن قاسم سندھ کے اندر اسلام کی دعوت لے کر آئے ۔ مملکت ِ خداداد پاکستان معرض وجود میں آیا ۔ رمضان کے آخری عشرے میں لیلة القدر کی وہ عظیم رات ہے جس میں عبادت ہزار مہینوں کی عبادت کے برابر ہے اور اس رات قرآن عظیم الشان نازل ہوا ۔ اللہ تعالی کا بڑا کرم اور فضل ہے کہ اس نے ہم کو ایک بار پھر اس بابرکت مہینے سے نوازا ہے ۔ ہماری ذمہ داری ہے کہ اس ماہ ِ مبارک کی جتنی بھی ساعتیں ہمیں میسر آئیں ہم ان میں اللہ تعالی سے رحمت ، مغفرت اور دوزخ کی آگ سے نجات طلب کریں ۔مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.