وزیر اعلیٰ گلگت بلتستان کی زیرصدارت مسلم لیگ ن کے پارلیمانی کمیٹی کا اجلاس

گلگت (اُردو پوائنٹ اخبارتازہ ترین - آئی این پی۔ 27 مئی2018ء) وزیر اعلیٰ گلگت بلتستان حافظ حفیظ الرحمن کی زیرصدارت مسلم لیگ ن کے پارلیمانی کمیٹی کا اجلاس ہوا، اجلاس میں گلگت بلتستان آرڈر2018کو تاریخی اور قابل تحسین قرار دیا گیا۔ اجلاس میں گلگت بلتستان آرڈر2018دینے پر مسلم لیگ ن کے قائد محمد نواز شریف ، وزیراعظم پاکستان شاہد خاقان عباسی ، آرمی چیف جنرل قمر جاوید باجوہ، وفاقی حکومت اور قومی سلامتی کمیٹی کا شکریہ ادا کیا ۔

گلگت بلتستان آرڈر2018کے تحت گلگت بلتستان کے عوام کو بنیادی حقوق میسر آئے ہیں ، اختیارات گلگت بلتستان کے عوام کو اسمبلی کو ملے، گلگت بلتستان آرڈر2018پر گلگت بلتستان کے عوام کو مبارک باد پیش کیا اورکہاکہ چند لوگ جو گلگت بلتستان کے تعمیر و ترقی کے دشمن ہے ، ان سے گلگت بلتستان کی تعمیر و ترقی ہضم نہیں ہورہی ہے امن و امان خراب کیلئے سازشوں کے درپے ہیں اسی لئے دھرنوں کی سیاست کرنا شروع کی ہے جسے گلگت بلتستان کے عوام نے مسترد کیا ہے۔

(جاری ہے)

مسلم لیگ ن کی حکومت گلگت بلتستان کے عوام کے مینڈیٹ سے وجود میں آئی ہے کسی نوٹیفکیشن کے ذریعے نہیں بنی ہے۔ گلگت بلتستان آرڈر2018گلگت بلتستان کی تعمیر و ترقی کیلئے سنگ میل کی حیثیت رکھتا ہے۔ پارلیمانی کمیٹی کے اجلاس میں گلگت بلتستان کی تعمیر وترقی کیخلاف مخالفین کے ایجنڈے کو مسترد قرار دیتے ہوئے گلگت بلتستان آرڈر2018کو تاریخ سازقراردیا۔