فاٹا انضمام پر پختونوں اور قبائلی عوام مبارکباد کے حقیقی مستحق ہیں، فخر الدین کاکاخیل

بل کی منظوری تاریخ میں پختونوں کی وحدت کے حوالے سے شاندار اضافہ ہے،گلزار خان

اتوار 27 مئی 2018 18:20

پشاور(اُردو پوائنٹ اخبارتازہ ترین - این این آئی۔ 27 مئی2018ء) نیشنل یوتھ آرگنائزیشن کے مرکزی آرگنائزنگ کمیٹی کے چیئرمین فخر الدین داؤدزئی ، صوبائی صدر گلزار خان اور چیئرمین پراونشل کوآرڈینیشن کمیٹی طارق افغان نے فاٹا انضمام کے بل کی منظوری پر تمام پختونوں اور قبائلی عوام کو مبارکباد پیش کرتے ہوئے کہا ہے کہ بل کی منظوری تاریخ میں پختونوں کی وحدت کے حوالے سے شاندار اضافہ ہے ، اپنے مشترکہ بیان میں انہوں نے کہا کہ فاٹا کے صوبے میں انضمام کا فیصلہ ملکی استحکام کا ضامن ہوگا اور سالہا سال سے انگریز کے کالے قانون کی زد میں زندگی گزارنے والے قبائلیوں کو بھی ملک کے دیگر شہروں کی طرح سہولیات اور بنیادی ضروریات میسر آ سکیں گی ، انہوں نے کہا کہ طویل انتظار کے بعد خوش کی گھڑی دیکھنا نصیب ہوئی البتہ اے این پی نے اس حوالے سے جو جدوجہد کی وہ تایخ کا روشن باب ہے ۔