نامکمل دستاویزات ،

وزیراعلیٰ خیبر پختونخوا کی اہلیہ کو امریکہ جانے سے روک دیا گیا

ہفتہ 26 مئی 2018 15:15

پشاور (اُردو پوائنٹ اخبارتازہ ترین - این این آئی۔ 26 مئی2018ء) وزیر اعلیٰ خیبر پختونخوا پرویز خٹک کی اہلیہ عامرہ خٹک کو امریکہ جاتے ہوئے سفری دستاویزات مکمل نہ ہونے پر باچا خان ایئرپورٹ پر روک لیا گیا۔

(جاری ہے)

نجی ٹی وی کے مطابق وزیراعلیٰ کی اہلیہ عامرہ خٹک امریکی پاسپورٹ پر سفر کرنا چاہتی تھیں اور غیرملکی ایئر لائن کے ذریعے امریکا ہی جا رہی تھیں کہ ایف آئی حکام نے سفری دستاویزات مکمل نہ ہونے پر ایئرپورٹ پر روکا۔

ایئرپورٹ ذرائع کے مطابق وزیر اعلیٰ کی اہلیہ کے پاس اوورسیز پاکستانی قومی شناختی کارڈ (این آئی سی او پی) نہیں تھا جس کے باعث انہیں آف لوڈ کیا گیا۔عامرہ خٹک نے سفر کی اجازت نہ ملنے پر حکام سے بحث و تکرار بھی کی لیکن اس کے باوجود جانے نہیں دیا گیا جس کے بعد وہ ایئرپورٹ سے واپسی گھر روانہ ہوگئیں۔