صدر کی تصویر والے اخبار بطور ٹوائلٹ پیپر استعمال کرنےپر ترکمانستان پولیس کی ٹوائلٹس کی تلاشی
امین اکبر جمعہ 25 مئی 2018 23:50
ترکمانستان میں پولیس نے سارے ملک میں پبلک اور پرائیویٹ ٹوائلٹ کی تلاشی لینی شروع کر دی ہے۔تلاشی کا مقصد صدر قربان قلی بردی محمدوف کی تصاویر والے اخبارات کے بطور ٹوائلٹ پیپر استعمال کے ثبوت جمع کرنا ہے۔
ترکمانستان کے صدر اپنےغیر معمولی اقدامات پر خبروں میں رہتے ہیں۔ کچھ عرصہ پہلے انہوں نے ملک میں سیاہ کاروں کے استعمال پر صرف اس وجہ سے پابندی لگا دی تھی کہ انہیں سفید رنگ پسند ہے(تفصیلات اس صفحے پر) ۔
صدر صاحب کے اسی طرح کے اقدامات کے باعث لوگ انہیں ناپسند کرتے ہیں اور ان کی تصاویر والے اخبارات ٹوائلٹ پیپر کے طور پر استعمال کرتے ہیں۔ پولیس اور کوڑا کرکٹ ٹھکانے لگانے والا عملہ اس غیر معمولی جرم کا سراغ لگانے کےلیے ثبوت کی تلاش میں ہے۔
(جاری ہے)
پولیس نے خبردار کیا ہے کہ اس طرح کا برتاؤ کرنے والے شہریوں کو سنگین نتائج بھگتنا ہونگے۔
ماسکو بیسڈ نیوز سائٹ فرغانہ کے مطابق اس قصے کی شروعات پچھلے سال کے آخر میں داشوغوز شہر میں اس وقت ہوئی جب کچھ بچوں کو صدر کی تصویر خراب کرنے پر گرفتار کیا گیا۔ اس کے بعد کچھ بچوں نے صدر کی تصویر کو پیروں تلے مسل دیا۔ ایک اور کیس میں کچھ بچوں نے مارکر سے صدر کی تصویر پر داڑھی مونچھیں بنا دیں۔ان مقدمات کی تحقیق ہوئی تو معلوم ہوا کہ لوگ صدر کی تصویر والے اخبارات بھی ٹوائلٹ پیپر کے طور پر استعمال ہوتے ہیں۔ پولیس کو ایک سکول کے ٹوائلٹ سے ایسے استعمال شدہ اخبارات بھی ملے ہیں۔ اس سکول کے ڈائریکٹر کو ملازمت سے نکال دیا گیا تھا۔
پولیس تو پبلک اور پرائیویٹ ٹوائلٹس کی تلاشی لے ہی رہی ہے ، اس کے ساتھ کوڑا کرکٹ ٹھکانے لگانے والے اہلکاروں کو بھی مٹی سے صدر کی تصویر والے اخبارات دیکھنے کی ہدایات جاری کی گئی ہیں۔حکام نے کوڑا کرکٹ ٹھکانے والے ہر مقام پر ایک خصوصی ملازم کو صرف صدر کی تصویر والے اخبارات چننے پر لگایا ہوا ہے۔
کچھ مقامی اخبارات کا یہ بھی کہنا ہے کہ ترکمانستان میں معاشی بحران ہے، جس کی وجہ سے لوگ ٹوائلٹ پیپر پر خرچ کرنے کی بجائے اخبارات استعمال کرتے ہیں۔ اخبارات میں صدر کی تصویریں نمایاں ہوتی ہیں، اس لیے ایسا لگتا ہےکہ صدر کی تصویروں والے اخبار ہی استعمال کیے جاتے ہیں۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.