فیس بک پر سیاسی اشتہارات کیلئے نئی پالیسی نافذ

نیویارک (اُردو پوائنٹ اخبارتازہ ترین - این این آئی۔ 25 مئی2018ء) فیس بک نے اپنی ویب سائٹر پر سیاسی اشتہار پوسٹ کرنے کے لیے سخت شرائط نافذ کر دی ہیں۔ٹیکنالوجی ویب سائٹ میشبل رپورٹ کے مطابق فیس بک نے گزشتہ روز امریکا کے فیس بک اور انسٹاگرام صارفین کیلئے کوئی بھی سیاسی اشتہار پوسٹ کرنے کے لیے سخت شرائط عائد کردی ہیں۔فیس بک کے مطابق اس کا مقصد تمام سیاسی اشتہارات کو شفاف بنانا اور سوشل میڈیا پر ایسے کسی بھی مواد کو روکنا ہے جس سے انتخابات میں کوئی مشکل پیش آئے۔

حالیہ ڈیٹا اسکینڈل کے فیس بک پر صارفین کے اعتماد میں خاصی کمی ہوئی ہے اور اس اعتماد کی بحالی کے لیے فیس بک مسلسل نئے اقدامات اٹھا رہی ہے۔ انہی اقدامات کے تحت فیس بک نے سیاسی اشتہارات پر نگرانی پہلے سے سخت کرنے کا فیصلہ کیا ہے۔

(جاری ہے)

نئی پالیسی کے تحت فیس بک صارفین فراہم کردہ dedicated archive کے آپشن میں جاکر اشتہار دینے والے کا نام، عمر، مقام، بجٹ اور دیگر بنیادی معلومات حاصل کرسکتے ہیں۔

فیس بک گلوبل پالیٹکس اور گورنمنٹ آؤٹ ریچ ڈائریکٹر کیٹی ہارباتھ کا کہنا ہے کہ ہمارا اہم مقصد صارفین کی مدد کرنا ہے تاکہ وہ یہ جان سکیں کہ کون اشتہار دے رہا ہے اور کون اس پر رقم خرچ کر رہا ہے۔فی الحال نئی سیاسی اشتہارات پالیسی کو صرف امریکا میں نافذ کیا گیا ہے لیکن آئندہ ہفتے اس کا دائرہ دیگر ملکوں تک بڑھایا جائے گا۔