مجھے یاد ہی نہیں کتنے عرصے بعد پارلیمنٹ آیا ہوں،عمران خان

اگر صحیح اسمبلی چلاتے تو میں ہر روز آتا ، وزیراعظم اسمبلی کو مضبوط کرتا ہے ، چیئرمین پی ٹی آئی کے صحافی کے سوال پر جواب

جمعرات 24 مئی 2018 20:09

مجھے یاد ہی نہیں کتنے عرصے بعد پارلیمنٹ آیا ہوں،عمران خان

اسلام آباد(اُردو پوائنٹ اخبارتازہ ترین - آئی این پی۔ 24 مئی2018ء) پاکستان تحریک انصاف کے چیئرمین عمران خان نے کہا ہے کہ مجھے یاد ہی نہیں کتنے عرصے بعد پارلیمنٹ آیا ہوں، اگر صحیح اسمبلی چلاتے تو میں ہر روز آتا ، وزیراعظم اسمبلی کو مضبوط کرتا ہے۔ جمعرات کو چیئرمین تحریک انصاف عمران خانکافی عرصے بعد پارلیمنٹ آئے تو انہیں صحافیوں نے گھیر لیا۔

(جاری ہے)

چیئرمین تحریک انصاف سے صحافی نے سوال کیا کہ خان صاحب کتنے عرصے بعد پارلیمنٹ آئے ہیں' جس پر عمران خان نے جواب دیا، 'مجھے یاد ہی نہیں کتنے عرصے بعد پارلیمنٹ آیا ہوں۔صحافی نے ایک اور سوال کیا کہ آپ کو کتنے اجلاسوں میں آنا چاہیے تھا جس پر عمران خان نے کہا کہ اگر صحیح اسمبلی چلاتے تو میں ہر روز آتا ۔ صحافی نے سوال کیا آپ نہیں ہیں تو صحیح اسمبلی کون چلائے گا جس پر عمران خانے کہا کہ وزیراعظم اسمبلی کو مضبوط کرتا ہے۔