تحریک انصاف کے بڑوں میں اختلافات کھل کر سامنے آ گئے

شاہ محمود قریشی کی زیرصدارت پی ٹی آئی پارلیمانی بورڈ کا اجلاس،جہانگیر ترین شریک نہیں ہوئے

بدھ 23 مئی 2018 22:35

اسلام آباد(اُردو پوائنٹ اخبارتازہ ترین - آئی این پی۔ 23 مئی2018ء) تحریک انصاف کے بڑوں میں اختلافات کھل کر سامنے آ گئے ‘تحریک انصاف کے وائس چیئرمین شاہ محمودقریشی کی زیرصدارت پی ٹی آئی پارلیمانی بورڈکااجلاس ہوا جس میں اسد عمراور نعیم الحق شریک ہیں جبکہ پی ٹی آئی کے سیکرٹری جنرل جہانگیر ترین کل کی ناراضی کے باعث اجلاس میں شریک نہیں ہوئے۔

(جاری ہے)

تفصیلات کے مطابق تحریک انصاف کے وائس چیئرمین شاہ محمود قریشی کی زیرصدارت پی ٹی آئی پارلیمانی بورڈ کا اجلاس ہوا، جس میں اسلام آباد سے امیدواروں کے انٹرویوکئے جارہے ہیں،اجلاس میں اسد عمر اور نعیم الحق شریک ہیں جبکہ جہانگیر ترین پارلیمانی بورڈ کے اجلاس میں شریک نہیں ہوئے۔واضح رہے کہ پی ٹی آئی کی کور کمیٹی کے اجلاس میں شاہ محمود قریشی اور جہانگیر ترین کے درمیان تلخ کلامی ہوئی اس پر تحریک انصاف کے چیئرمین عمران خان کو مداخلت کرنی پڑی اور دونوں رہنمائو ں کو اختلافات ختم کرنے کی ہدایت کی۔