بلوچستان سی پیک کا مرکز ہے ،پاکستان کا چین سے گہرا تعلق ہے جو وقت کے ساتھ ساتھ مزید مستحکم اور مضبوط ہورہا ہے، میر عبدالقدوس بزنجو
سی پیک کی تکمیل ہمارا مقصد ہے جس سے پورے ملک میں ترقی آئے گی،وزیراعلی بلوچستان
بدھ 23 مئی 2018 20:58
(جاری ہے)
وزیراعلیٰ نے کہا کہ پاکستان اور چین کا رشتہ انتہائی مضبوط ہے چین نے ہمیشہ مشکل وقت میں پاکستان کا ساتھ دیا اور ہم امید رکھتے ہیں کہ آنے والے دنوں میں یہ دوستی مزید گہری اور مضبوط ہوگی۔
وزیراعلیٰ نے کہا کہ چین پاکستان اقتصادی راہداری منصوبہ پاکستان سمیت پورے خطے کی مجموعی ترقی میں اہم کردار ادا کرے گا۔ انہوں نے کہا کہ سی پیک کے منصوبوں میں بلوچستان کو اس کا جائز حصہ دینے اور ترقیاتی منصوبوں میں شامل کرنے سے لوگوں کے خدشات ختم ہوں گے، انہوں نے کہا کہ بلوچستان سی پیک کا مرکز ہے لیکن ترقیاتی منصوبے پنجاب میں شروع کئے گئے ہیں ، ہمارے پاس شاہراہوں کی کمی ہے، پانی، زراعت اور توانائی کے دیگر شعبوں میں بہتری لانے کے لئے حکومت اپنے محدود وسائل کے اندر رہتے ہوئے بہتری لارہی ہے، تاکہ سی پیک کے سلسلے میں آنے والے سرمایہ کاروں کو کسی قسم کی مشکلات اور مسائل کا سامنا نہ کرنا پڑے۔ وزیراعلیٰ نے کہا کہ بلوچستان جغرافیائی اہمیت کا حامل خطہ ہے جہاں قدرتی وسائل، طویل ساحلی پٹی اور منافع بخش کاروبار کے وسیع مواقع موجود ہیں ۔ حکومت چینی سرمایہ کاروں کو ہر طرح کی معاونت فراہم کرے گی۔ وزیراعلیٰ نے کہا کہ ہم ہمسایہ ممالک افغانستان اور ایران سے انتہائی خوشگوار تعلقات کے خواہشمند ہیں کیونکہ سرحد کے دونوں اطراف ایک زبان اور ثقافت کی حامل اقوام آباد ہیں جن کی آپس میں رشتہ داریاں ہیں چین پاکستان اقتصادری راہداری سے یہ دونوں ممالک بھی بہترین تجارتی مواقع حاصل کرسکتے ہیں اور سی پیک میں افغانستان کی شمولیت سے خطہ میں تجارتی سرگرمیوںکے فروغ کے ساتھ ساتھ امن وامان میں بہتری آئے گی۔ وزیراعلیٰ نے کہا کہ پاک افغان سرحد طویل ہے جس پر باڑ لگانے کا کام شروع ہوچکا ہے تاکہ غیر قانونی طور پر سرحد پار کرنے والے افراد اور دہشت گردوں کا راستہ روکا جاسکے۔ وزیراعلیٰ نے کہا کہ افغانستان سے ہمارے تعلقات ہمیشہ بہتر رہے ہیں تاہم پچھلے ایک دہائی سے افغانستان میں ہندوستان کی مداخلت زیادہ ہوگئی ہے اور پاکستان سے ملحقہ سرحد کے کئی چھوٹے شہروں میں ہندوستان نے اپنے قونصلیٹ قائم کئے ہیں جن کا مقصد بلوچستان اورپاکستان میں بدامنی پھیلانا ہے۔ وزیراعلیٰ نے کہا کہ پاکستان نے مشکل وقت میں افغانستان کا ساتھ دیا۔ بلوچستان میں ابھی تک لاکھوں کی تعداد میں مہاجرین موجود ہیں۔ افغانستان کے سابق صدر حامد کرزئی بھی کوئٹہ میں رہ چکے ہیں لیکن دہشت گردی کے واقعات اور دہشت گردوں کے افغان سرزمین کو استعمال کرنے کے ثبوتوں نے سرحد پر باڑ لگانے پر مجبور کیا۔ وزیراعلیٰ نے کہا افغانستان میں امن قائم ہونے ے اس خطہ میں تجارتی سرگرمیوں میں بہت اضافہ ہوگا۔ اس موقع پر گفتگو کرتے ہوئے پاکستان میں تعینات چینی سفیر نے وزیراعلیٰ بلوچستان کے چین کے لئے نیک خواہشات اور جذبہ کو سراہا۔ انہوں نے کہا کہ چین پاکستان کے ساتھ دوستی کو انتہائی قدر کی نگاہ سے دیکھتا ہے انہوں نے کہا کہ چین پاکستان اقتصادی راہداری چین کے لئے بھی اہمیت کا حامل منصوبہ ہے جس کی تکمیل سے خطے میں تجارتی سرگرمیوں میں غیر معمولی اضافہ ہوگا۔ انہوں نے کہا کہ بلوچستان کا دورہ کرکے انہیں بہت خوشی محسوس ہورہی ہے اور بلوچستان کے ساتھ تعلقات آئندہ آنے والے دنوں میں مزید مستحکم ہوں گے۔ چینی سفیر نے کہا کہ انہوں نے بلوچستان کے مختلف سینیٹروں، سیاستدانوں اور معتبرین سے ملاقاتیں کی ہیں اور انہیں بلوچستان کو درپیش مشکلات کا ادراک ہے۔ انہوں نے یقین دلایا کہ چین بلوچستان میں زراعت، پانی، توانائی، تعلیم اور دیگر شعبوں میں صوبائی حکومت کی معاونت کرے گا اور چینی کمپنیوں کو بلوچستان کی مقامی کمپنیوں کے ساتھ Joint Venture کی طرف راغب کیا جائے گا۔ چینی سفیر نے بتایا کہ انہوں نے حال ہی میں کابل کا دورہ کیا ہے افغانستان میں امن کے قیام اور سی پیک کے منصوبوں میں شمولیت سے خطہ میں ترقیاتی سرگرمیوں میں اضافہ ہوگا۔ انہوں نے بتایا کہ سی پیک میں بلوچستان کے لئے بہت سے منصوبے شامل ہیں جن پر کام جاری ہے اور تمام منصوبوں میں صوبائی حکومت اور عوام کو ساتھ لے کر چلیں گے۔ چینی سفیر نے وزیراعلیٰ کو سی پیک کے زیر تکمیل منصوبوں اور آئندہ کے لائحہ عمل سے بھی آگاہ کیا۔ بعدازاں وزیراعلیٰ بلوچستان اور چینی سفیر کے درمیان تحائف اور یادگاری شیلڈز کا تبادلہ ہوا۔مزید اہم خبریں
-
اسٹریمنگ سروس نیٹ فلکس کے ناظرین نصف بلین ہو گئے
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
-
عالمی ٹیکنالوجی کمپنی ”میٹا “ پاکستان اور بھارت سمیت متعدد ممالک میں واٹس ایپ پر اے آئی چیٹ بوٹس متعارف کروادیا
-
سپریم کورٹ حسان نیازی اورعباد فاروق کی جبری گمشدگی کا فوری نوٹس لے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.