ْفلسطین کے معصوم بچے اسرائیلی ٹینک کے سامنے دشمن کو للکار رہے ہیں،ڈاکٹر معراج الہدی صدیقی

کراچی (اُردو پوائنٹ اخبارتازہ ترین - این این آئی۔ 23 مئی2018ء) امیرجماعت اسلامی سندھ ڈاکٹر معراج الہدی صدیقی نے کہا ہے کہ مسلم حکمراں مسلمانوں کی حفاظت نہیں کر سکتے ۔فلسطین کے معصوم بچے اسرائیلی ٹینک کے سامنے کھڑے ہو کر دشمن کو للکار رہے ہیں۔ر ًمضان المبارک ایثار اور یکجہتی کا پیغام دیتا ہے۔دنیا کے ۰۷ فیصد مسلمان اس سال ایک ساتھ روزے رکھ رہے ہیں۔

رمضان اللہ کی طرف پلٹنے کا پیغام دیتا ہے۔ان خیالات کا اظہار انہوںنے جماعت اسلامی الحدید دیہی زون کے تحت مسجد عبادالرحمان گلشن حدید میںدعوت افظار سے اپنے خصوصی خطاب میں کہی۔اس موقع پرامیرزون خلیل الرحمان ،ناظم تربیت محمد انور ودیگر نے بھی خطاب کیا۔ڈاکٹر معراج الہدی صدیقی نے کہا کہ رمضان المبارک میں رب کے ساتھ ساتھ اپنے ماںباپ کو بھی راضی کیا جائے اور ماں باپ کی خدمت کی جائے۔

(جاری ہے)

ماں باپ تمھاری جنت ہیں ۔قرآن سے تعلق کو مضبوط بنایا جائے۔رمضان اللہ کی طر ف رجوع اور اس کے پیغام کو عام کرنے کی دعوت دیتا ہے۔اسلام میں کسی عربی کو کسی عجمی پر فوقیت نہیں ہے ۔ہم سب ایک آدم کی اولاد ہیں۔نام محمد ﷺ پرہم اور ہمارے ماںباپ قربان نام محمد ﷺجسم توانائی طاقت اور قوت پیدا کرتا ہے ۔حضور ﷺ نے دعوت کے زریعے دین پھیلایا ۔اسلام امن کا مذہب ہے ۔

اسلام کا دہشت گردی سے کوئی تعلق نہیں ہے۔اسلام کو دہشت گرد قرار دینے والے دنیا کے سب سے بڑے دہشت گرد ہیں۔مسلمانوں کو طاغوتی قوتوںسے مقابلے کیلئے متحد ہونا ہو گا۔قرآن و سنت کا نظام ہی ہمارے مسائل کو حل کر سکتا ہے،امیر زون خلیل الرحمان نے کہا کہ رمضان کا مہینہ برکتوں رحمتوں کا مہینہ ہے۔رمضان میں قرآن سے تعلق کو مضبوط بنایا جائے۔ناظم تربیت محمد انور نے کہا کہ روزہ انسان میں تقوی پیدا کرتا ہے اور تقوی اللہ کو بے حد پسند ہے۔