سندھ میں کرکٹ میچ کے دوران بلے باز آؤٹ ،ْآئی سی سی نے ٹوئٹر پر رولنگ دے ڈالی

حمزہ نامی ایک مداح نے ہمیں ایک ویڈیو بھیج کر رولنگ مانگی ،ْآئی سی سی

بدھ 23 مئی 2018 12:46

دبئی /کراچی (اُردو پوائنٹ اخبارتازہ ترین - این این آئی۔ 23 مئی2018ء) سندھ کے کسی شہر میں ہونے والے کرکٹ میچ کے دوران ایک بلے باز دلچسپ انداز میں آؤٹ ہوا لیکن شاید اٴْسے اپنے آؤٹ ہونے کا یقین نہیں تھا۔رپورٹ کے مطابق مذکورہ کرکٹ میچ کی ویڈیو انٹرنیشنل کرکٹ کونسل (آئی سی سی) کو بھیج کر آؤٹ ہونے یا نہ ہونے سے متعلق رولنگ مانگی گئی۔

(جاری ہے)

اور آئی سی سی نے اس ویڈیو کا جائزہ لیا اور اپنے فیصلے میں بلے باز کو آؤٹ قرار دیدیا۔

آئی سی سی کے ٹوئٹر اکاؤنٹ پر بلے باز کے آؤٹ ہونے کی ویڈیو شیئر کرتے ہوئے لکھا گیاکہ حمزہ نامی ایک مداح نے ہمیں ایک ویڈیو بھیج کر رولنگ مانگی۔کہا گیاکہ بدقسمتی سے (آئی سی سی) قانون 32.1 کے مطابق بلے باز آؤٹ ہے۔رپورٹ کے مطابق تو معلوم نہیں ہوسکا کہ یہ میچ کب کھیلا گیا، لیکن آئی سی سی کی جانب سے ٹوئٹر پر ایک مقامی کرکٹ میچ سے متعلق رولنگ دینا ایک دلچسپ واقعہ ہے۔