․چیف جسٹس آزاد جموں و کشمیر عدالت العالیہ نے آزاد جموں وکشمیر عدالت العالیہ کے 5نوتعینات شدہ ججز سے ان کے عہدوں کا حلف لے لیا

بدھ 23 مئی 2018 12:43

مظفرآباد(اُردو پوائنٹ اخبارتازہ ترین - این این آئی۔ 23 مئی2018ء) چیف جسٹس آزاد جموں و کشمیر عدالت العالیہ جسٹس ایم تبسم آفتاب علوی نے آزاد جموں وکشمیر عدالت العالیہ کے 5نوتعینات شدہ ججز رضا علی خان ایڈووکیٹ جنرل آزاد جموں وکشمیر، محمد اعجاز خان ایڈووکیٹ، چوہدری خالد یوسف ایڈووکیٹ، راجہ سجاد احمد خان ایڈووکیٹ اور چوہدری محمد منیر ڈسٹرکٹ اینڈ سیشن جج میرپور سے ان کے عہدوں کا حلف لے لیا۔

حلف برداری کی تقریب آراد جموں وکشمیر ہائی کورٹ میں منعقد ہوئی۔

(جاری ہے)

تقریب میں آزادکشمیر کے وزیر قانون و پارلیمانی امور چوہدری جاوید اختر، جج صاحبان آزاد جموں وکشمیر ہائی کورٹ جسٹس اظہر سلیم بابر، جسٹس محمد شیراز کیانی ،جسٹس صداقت حسین راجہ، صدر سپریم کورٹ بار، صدر ہائی کورٹ بار، صدر سنٹر بار ایسوسی ایشن، ممبران سنٹرل بار ایسوسی ایشن ، سینئر وکلا، خواتین وکلاء کی ایک کثیر تعداد بھی موجود تھی۔ قبل ازیں تقریب کا آغاز تلاوت کلام پاک و نعت رسول مقبول سے ہوا۔ ایڈیشنل سیکرٹری قانون و پارلیمانی امور چوہدری دحید الحسن نے آزاد جموں وکشمیر کے نوتعینات ججز کی تعیناتی کا نوٹیفکیشن پڑھ کر سنایا۔