دھان کے کھیتوں میں 75کلوگرام زنک سلفیٹ33 فیصد فی ہیکٹر استعمال کرکے زنک کی کمی کو دورکیاجا سکتا ہے، محکمہ زراعت

بدھ 23 مئی 2018 12:34

فیصل آباد(اُردو پوائنٹ اخبارتازہ ترین - اے پی پی۔ 23 مئی2018ء)محکمہ زراعت کے ترجمان نے دھان کے کاشتکاروں کو پیداوار میں اضافہ کیلئے زنک استعمال کرنے کی ہدایت کی ہے اور کہاہے کہ دھان میں زنک کااستعمال پیداوار بڑھانے کیلئے ضروری ہے خاص کر ایسی زمینوں میں جہاں دھان کی فصل پہلی بار کاشت کی جارہی ہو وہاں پر زنک کی کمی وسیع پیمانے پر پائی جاتی ہے جس کو دور کرنے کیلئے پنیری پر زنک کااستعمال فی ایکڑ پیداوار میں خاطر خواہ اضافہ کا باعث بن سکتاہے۔

(جاری ہے)

انہوںنے بتایاکہ مسلسل تحقیق اور تجربات سے یہ بات ثابت ہوئی ہے کہ اگر 75 کلوگرام زنک سلفیٹ 33 فیصد فی ہیکٹر نرسری میں استعمال کیا جائے تو اس سے زنک کی کمی دور ہوسکتی ہے اور پیداوار میں خاطر خواہ اضافہ ہوتاہے۔ انہوںنے بتایاکہ زنک کا استعمال معاشی طور پر بھی بہت فائدہ مند ہے۔انہوںنے مزید بتایا کہ 75 کلوگرام زنک سلفیٹ 35 فیصد ہیکٹر نرسری میں استعمال کرنے پر ایک روپیہ اضافی خرچ کرنے سے 5.31 روپے کی اضافی آمدن حاصل ہوتی ہے۔

Facebook Twitter Google + Share on Whatsapp

دھان کے کھیتوں میں 75کلوگرام زنک سلفیٹ33 فیصد فی ہیکٹر استعمال کرکے زنک کی کمی کو دورکیاجا سکتا ہے، محکمہ زراعت

مزید زراعت کی خبریں