Live Updates

تحریک انصاف کی کور کمیٹی میں لڑائی نے تحریک انصاف میں ٹوٹ پھوٹ کی بنیاد ڈال دی

جہانگیر ترین کے آگے شاہ محمود کی دال نہیں گلے گی،ممکن ہے شاہ محمودقریشی اگلا الیکشن آزاد لڑیں، رہنما پیپلز پارٹی کا دعویٰ

Syed Fakhir Abbas سید فاخر عباس منگل 22 مئی 2018 20:16

تحریک انصاف کی کور کمیٹی میں لڑائی نے تحریک انصاف میں ٹوٹ پھوٹ کی بنیاد ..
اسلام آباد(اُردوپوائنٹ اخبارتازہ ترین۔22مئی 2018ء) :تحریک انصاف کی کور کمیٹی میں لڑائی نے تحریک انصاف میں ٹوٹ پھوٹ کی بنیاد ڈال دی۔رہنما پیپلز پارٹی نے شاہ محمود قریشی کے حوالے سے بڑا دعویٰ کر دیا۔سعید غنی کا کہنا تھا جہانگیر ترین کے آگے شاہ محمود کی دال نہیں گلے گی،ممکن ہے شاہ محمودقریشی اگلا الیکشن آزاد لڑیں۔تفصیلات کے مطابق تحریک انصاف کی کور کمیٹی کا اہم اجلاس منعقد ہوا ہے جس میں شاہ محمود قریشی ، شیرین مزاری ،جہانگیر ترین ،اسد عمر اور دیگر مرکزی رہنماوں نے شرکت کی۔

اس اجلاس میں اہم معاملات زیر بحث آئے ہیں۔اس دوران ذرائع کے مطابق پاکستان تحریک انصاف کی کور کمیٹی میں سینئیر رہنما آمنے سامنے آ گئے۔بات الیکشن کمیشن کی جانب سے نااہل کئیے گئے رائے حسن نواز بھی اجلاس میں شریک تھے جس پر شاہ محمود قریشی نے انکی موجودگی پر اعتراض کیا اور کہا کہ الیکشن کمیشن کی جانب سے نااہل ہونے کے بعد رائے حسن نواز پارٹی عہدے اور اجلاس میں شرکت  کے مجاز نہیں رہے ہیں جس پر جہانگیر ترین نے مداخلت کی ۔

(جاری ہے)

اس پر جہانگیر ترین اور شاہ محمود قریشی آپس میں جھگڑ پڑے اور دونوں میں تلخ جملوں کا تبادلہ بھی ہوا۔معاملے کی نزاکت کو دیکھتے ہوئے پاکستان تحریک انصاف کے سربراہ عمران  خان کو مداخلت کرنی پڑی اور دونوں رہنماوں میں معاملہ ٹھنڈا ہوا۔اس پر رد عمل دیتے ہوئے رہنما پیپلز پارٹی سعید غنی نے شاہ محمود قریشی کے حوالے سے بڑا دعویٰ کر دیا۔سعید غنی کا کہنا تھا کہ جہانگیر ترین کے آگے شاہ محمود کی دال نہیں گلے گی۔شاہ محمود قریشی سدا کے سیاسی خانہ بدوش ہیں۔انکا مزید کہنا تھا کہ لگتا ہےقریشی صاحب نیا سیاسی سفر کرنے والے ہیں۔ممکن ہے شاہ محمودقریشی اگلا الیکشن آزاد لڑیں گے۔
تحریک انصاف کی کور کمیٹی میں لڑائی نے تحریک انصاف میں ٹوٹ پھوٹ کی بنیاد ..
Live پاکستان تحریک انصاف سے متعلق تازہ ترین معلومات