سکھر میو نسپل کارپوریشن کے واٹر ورکس فیز Iسے پانی کی فراہمی میں کافی بہتری آ ئی ہے

پیر 21 مئی 2018 23:43

سکھر۔ 21مئی(اُردو پوائنٹ اخبارتازہ ترین - اے پی پی۔ 21 مئی2018ء) سکھر میو نسپل کارپوریشن کے واٹر ورکس فیز Iسے پانی کی فراہمی میں کافی بہتری آ ئی ہے ، گزشتہ روز بجلی 19گھنٹے معطل رہی، جس کی وجہ سے پانی کی قلت رہی ، پیر کو صبح 7 بجے سے 12:45 دوپہر تک بجلی کے وولٹیج 420 سے کم 350واٹ تھے جس کی وجہ سے پانی کی قلت میں دشواری لا حق رہی ، تاہم فیز I سے پانی کی کمی دوسرے ذرائع سے کسی حد تک پوری کی جارہی ہے ۔

(جاری ہے)

دوسری جانب میئرسکھر بیرسٹر ارسلان اسلام شیخ نے فیزIکے لئے 35لاکھ سے نئی کیبلز خر ید ی تھیں وہ فیزIپرلگادی گئی ہے اب سیپکو سے براہ راست بجلی فراہم ہو گی ، آج دوپہر سے فیز Iپر بہتر ی آ ئی ہے جو ٹینک 4گھنٹے میں بھر رہا تھا وہ اب 2 گھنٹے میں بھر ا جارہا ہے ،واٹر ورکس کے انجینئرز آغاجاوید، فیاض میمن ،اکرم عباسی کی کوششوں سے ممکن ہوا، کنسلٹنٹ کا تعاون بھی اس میں شامل ہے۔ منگل تک فیز I سے پانی کی مکمل بحالی ممکن ہوجائے گی اور شہریوں کو شیڈول کے مطابق پانی فراہم ہوگا، مزید بہتری کے لئے قریشی فیڈر کو شالیمار فیڈر سے ملایا جارہا ہے۔