چیئرمین نیب جسٹس ریٹائرڈ جاوید اقبال نے بھارت رقوم منتقل کرنے کا کیس ڈی جی راولپنڈی عرفان نعیم منگی کے سپرد کر دیا

پیر 21 مئی 2018 23:02

اسلام آباد (اُردو پوائنٹ اخبارتازہ ترین - این این آئی۔ 21 مئی2018ء) چیئرمین نیب جسٹس ریٹائرڈ جاوید اقبال نے بھارت رقوم منتقل کرنے کا کیس ڈی جی راولپنڈی عرفان نعیم منگی کے سپرد کر دیا ہے۔نجی ٹی وی نے ذرائع کے حوالے سے بتایا کہ وزیرِاعظم نواز شریف کے خلاف منی لانڈرنگ کا معاملہ ڈی جی نیب راولپنڈی عرفان نعیم منگی کے سپرد کر دیا گیا ہے۔

(جاری ہے)

خیال رہے کہ ڈی جی نیب راولپنڈی عرفان نعیم منگی نیب کی جانب سے جے آئی ٹی کے رکن بھی رہ چکے ہیں۔

نیب نے عرفان نعیم منگی کو نواز شریف کی جانب سے مبینہ طور پر 4.9 ارب ڈالرز بھارت منتقل کرنے کی تحقیقات کیلئے ہدایات دی ہیں۔ ڈی جی نیب نے اس اہم معاملے میں سٹیٹ بینک سمیت دیگر اداروں سے رابطے شروع کر دیئے ہیں۔ منی لانڈرنگ کے شواہد ملنے پر کیس کو آگے بڑھایا جائیگا۔