مکہ سے مدینہ جانے والی بس کو حادثہ،

نو معتمرین جاں بحق، 18 زخمی بس الحجرہ کے قریب ڈرائیور کے قابو سے باہر ہوگئی اور پل سے نیچے جاگری،،ترجمان محکمہ شہری دفاع کی گفتگو

ہفتہ 19 مئی 2018 14:20

مکہ مکرمہ (اُردو پوائنٹ اخبارتازہ ترین - این این آئی۔ 19 مئی2018ء) مکہ سے مدینہ جانے والی ایک بس کو الحجرہ روڈ پر پیش آنے والے حادثے کے نتیجے میں 9 معتمرین جاں بحق اور 18 زخمی ہوگئے۔زخمیوں میں سے 6 کی حالت تشویش ناک ہے۔

(جاری ہے)

جاں بحق اور زخمی ہونے والے زیادہ تر افراد کا تعلق ایشیائی ممالک سے ہے،سعودی اخبار کے مطابق مکہ سے مدینہ جانے والی ایک بس الحجرہ کے قریب ڈرائیور کے قابو سے باہر ہوگئی اور پل سے نیچے جاگری۔حادثے کے نتیجے میں 9 معتمرین جاں بحق جبکہ 18 زخمی ہوئے۔سعودی محکمہ شہری دفاع کے ترجمان خالد الساحلی کے مطابق زخمیوں میں سے 6 کی حالت تشویش ناک ہے۔رپورٹس کے مطابق جاں بحق اور زخمی ہونے والے زیادہ تر افراد کا تعلق ایشیائی ممالک سے ہے۔