پاکستان تحریک انصاف کی رکن قومی اسمبلی مسرت زیب نے پاکستان مسلم لیگ (ن) میں شمولیت اختیار کر لی

جمعرات 17 مئی 2018 22:51

اسلام آباد ۔ (اُردو پوائنٹ اخبارتازہ ترین - اے پی پی۔ 17 مئی2018ء) پاکستان تحریک انصاف کی رکن قومی اسمبلی مسرت زیب نے پاکستان مسلم لیگ (ن) میں شمولیت اختیار کر لی ہے۔

(جاری ہے)

جمعرات کو پاکستان مسلم لیگ (ن) کی پارلیمانی پارٹی کے اجلاس کے بعد گفتگو کرتے ہوئے انہوں نے کہا کہ میں نے (آج) مسلم لیگ ن میں شمولیت اختیار کر لی ہے اور قومی اسمبلی کی رکنیت سے استعفیٰ اسپیکر کو بھجوا دیا ہے۔

انہوں نے کہا کہ پی ٹی آئی سے دھرنوں اور احتجاج کی سیاست پر اختلاف تھا، میں سول نافرمانی اور سرکاری املاک پر حملوں کے خلاف تھی۔ مسرت زیب نے کہا کہ مجھے پی ٹی آئی کے حکومت گرانے کے طریقہ کار سے اختلاف تھا جس پر پی ٹی آئی قیادت سے کہا کہ آپ استعفیٰ دیں میں بھی دے دوں گی۔ انہوں نے کہا کہ پی ٹی آئی والے استعفے دے کر اسمبلی میں واپس آ گئے۔