نگران وزیر اعظم کے نام کے اعلان کے معاملے پر اہم پیشرفت ،ْ وزیر اعظم اور اپوزیشن لیڈر کے درمیان ملاقات (کل)ہوگی

ملاقات میں اتفاق ہونے پر نگراں وزیراعظم کے نام کا اعلان کیا جائے گا ،ْ سید خورشید شاہ

جمعرات 17 مئی 2018 18:37

نگران وزیر اعظم کے نام کے اعلان کے معاملے پر اہم پیشرفت ،ْ وزیر اعظم ..

اسلام آباد (اُردو پوائنٹ اخبارتازہ ترین - این این آئی۔ 17 مئی2018ء) نگراں وزیراعظم کے نام کے اعلان کے معاملے پر اہم پیش رفت سامنے آئی ہے جس کے تحت وزیراعظم شاہد خاقان عباسی اور اپوزیشن لیڈر خورشید شاہ کے درمیان (آج) جمعہ کو ملاقات طے پا گئی ہے۔سید خورشید شاہ کا اس حوالے سے کہنا ہے کہ نگراں وزیراعظم کے معاملے پر جمعہ کو وزیراعظم سے ملاقات کروں گا۔

(جاری ہے)

قائد حزب اختلاف نے کہا کہ ملاقات میں نگران وزیراعظم کے نام پر مشاورت ہو گی۔انہوں نے کہا کہ ملاقات میں اتفاق ہونے پر نگراں وزیراعظم کے نام کا اعلان کیا جائے گا اور کسی نام پر اتفاق نہ ہونے کی صورت میں ایک دو روزمزید لگ سکتے ہیں۔خیال رہے کہ موجودہ حکومت کی 31 مئی 2018 کو ختم ہو جائے گی جس کے بعد نگراں حکومت آئندہ انتخابات تک اپنی ذمہ داریاں سنھالے گی۔