چیف کمشنر اسلام آباد آفتاب اکبر درانی کی وفاقی نظامت تعلیمات کے حکام سے ملاقات ، آئندہ عام انتخابات کے حوالہ سے پولنگ سٹیشنوں کے انتظامات پر تبادلہ خیال کیا

جمعرات 17 مئی 2018 18:29

اسلام آباد ۔ (اُردو پوائنٹ اخبارتازہ ترین - اے پی پی۔ 17 مئی2018ء) چیف کمشنر اسلام آباد آفتاب اکبر درانی نے جمعرات کو وفاقی نظامت تعلیمات کے حکام سے ملاقات کی اور آئندہ عام انتخابات کے حوالہ سے پولنگ سٹیشنوں کے انتظامات پر تبادلہ خیال کیا۔

(جاری ہے)

چیف کمشنر نے ہدایت کی کہ پینے کے پانی، مناسب روشنی کے انتظامات، بیت الخلائوں، صفائی اور معذور افراد کیلئے ریمپس کی سہولیات فراہم کی جائیں۔ وفاقی نظامت تعلیمات کے حکام نے چیف کمشنر کو آگاہ کیا کہ 15 یوم کے اندر 423 سکولوں میں سہولیات کا جائزہ لیا جائے گا اور جو سہولیات موجود نہیں انہیں پورا کیا جائے گا اور الیکشن کمیشن اور کیڈ کو آگاہ کریں گے۔ ان اداروں کو پولنگ سٹیشن ڈیکلیئر کیا جائے گا۔