قومی ادرہ صحت میں بڑے پیمانے پر اصلاحات کے بعد اب اسے خطے کا ممتاز ادارہ بنایا ..
تازہ ترین : 1

قومی ادرہ صحت میں بڑے پیمانے پر اصلاحات کے بعد اب اسے خطے کا ممتاز ادارہ بنایا جائیگا،پروفیسر عامر اکرام

اسلام آباد (اُردو پوائنٹ اخبارتازہ ترین۔ 17 مئی2018ء) قومی ادارہ صحت کے سینئر سانسدانوں سے خطاب کرتے ہوئے ادارے کے سربراہ پروفیسر عامر اکرام نے کہا ہم سب نے ملکر اس ادارے کو نئی جہت پر استوار کیا ہے۔اور اب اس کو انشاء اللہ اس خطے کا ممتاز ادارہ بنانے کے لئے مزید جدوجہد کی جائے گی۔پروفیسر عامر اکرام نے کہا سات سال سے بند خسرہ ویکسین کی تیاری کا دوبارہ اجراء کیا گیا ہے جس کے لئے ہم سب نے انتھک محنت کی۔

انہوں نے کہا ادارے کو Sera پروڈکشن کے لئے 751 ملین روپے مختص کیے گئے ہیں۔ادارے میں پچھلے 50 سال سے ایک ایمرجنسی اپریشن سنٹر کی ضرورت تھی ہم نے قلیل مدت میں بین الاقوامی معیار کا ایمرجنسی اپریشن سنٹر قائم کیا ہے جس کا مقصد ملک بھر میں ُمتعدی اور وبائی امراض کی مسلسل نگرانی اور بروقت رابطہ کاری ہے۔ گذشتہ روز وزیراعظم پاکستان نے اس سنٹر کا دورہ کیا اور یہاں پر موجود عملے کی مہارت اور سہولیات کو عالمی معیار کے مطابق قرار دیا ہے ۔ اس ادارے کی کارکردگی کا اعتراف عالمی سطح پر امریکہ کے وبائی امراض کے اعلیٰ ترین ادارے نے کیا ہے۔

مزید متعلقہ خبریں پڑھئیے‎ :

وقت اشاعت : 17/05/2018 - 16:50:12

اس خبر پر آپ کی رائے‎

متعلقہ عنوان :