چھتر کلاس کیڈٹ کالج مظفرآباد کے تعلیمی سفر کا آغاز سنگ میل کی حیثیت رکھتا ہے‘راجہ مظہر قیوم ایڈووکیٹ

جمعرات 17 مئی 2018 14:28

مظفرآباد(اُردو پوائنٹ اخبارتازہ ترین - این این آئی۔ 17 مئی2018ء) مسلم لیگ ن کھاوڑہ کے کارکن راجہ مظہرقیوم ایڈووکیٹ نے کہا ہے کہ چھتر کلاس کیڈٹ کالج مظفرآباد کے تعلیمی سفر کا آغاز سنگ میل کی حیثیت رکھتا ہے جداگانہ طرز تعلیم کا ادارہ بڑی محنت کا وشوں سے وجود میں آیا ہے جسکے لئے حکومت پاکستان حکومت آزاد کشمیر کا درخشاں کردار ہے اور یہ مظفرآباد خصوصا کھاوڑہ کے عوام کیلئے بڑا تاریخی اعزاز ہے راجہ مظہر قیوم نے اپنے بیان میں کہا کیڈٹ کالج کے تعلیمی سفر کے آغاز سے عوام کو بہت بڑی تعلیمی سہولت میسر آئی ہے پہلے بیج میں 60 طلبہ نے تعلیمی سفر کا آغاز کیا ہے جو آگے بڑھ کر اپنے وقت پرپانچ سو تعداد پر پہنچ جائے گا، جسکے تمام محسنوں کو سلام پیش کرتے ہیں ۔