نواز شریف کی قوم کو رمضان المبارک کی مبارکباد

جمعرات 17 مئی 2018 00:10

اسلام آباد ۔ (اُردو پوائنٹ اخبارتازہ ترین - اے پی پی۔ 17 مئی2018ء) پاکستان مسلم لیگ (ن) کے قائد محمد نواز شریف نے قوم کو رمضان المبارک کی مبارکباد دیتے ہوئے کہا ہے کہ اللہ تعالی ماہ مقدس میں رحمتیں نازل فرمائے اور ہر ایک کو صحیح راہ اور اسلامی تعلیمات پر چلنے کی توفیق عطا فرمائے۔

(جاری ہے)

بدھ کو اپنے پیغام میں انہوں نے کہا کہ یہ مہینہ بابرکت مہینہ ہے اور اس سے روز مرہ کے معمولات میں مثبت تبدیلیاں آتی ہیں۔

انہوں نے کہا کہ رمضان المبارک برداشت، صبر و تحمل اور بھائی چارے کا درس دیتا ہے۔ انہوں نے کہا کہ ہمیں اللہ کے سامنے جھک جانا چاہیے اور پاکستان کی ترقی، خوشحالی اور استحکام کی دعا کرنی چاہئیے۔ انہوں نے کہا کہ رمضان المبارک میں پاکستان بنا اور دعا کی کہ اللہ تعالی برصغیر کے مسلمانوں کو آزادی برقرار رکھنے اور پاکستان کو امن کا گہوارہ بنانے کا حوصلہ عطا فرمائے۔

Facebook Twitter Google + Share on Whatsapp

نواز شریف کی قوم کو رمضان المبارک کی مبارکباد

متعلقہ عنوان :

مزید قومی خبریں