ْملک بھر میں رمضان المبارک (آج) سے شروع ہو گا‘ وزارت مذہبی امور و بین المذاہب ہم آہنگی

بدھ 16 مئی 2018 23:30

اسلام آباد ۔ (اُردو پوائنٹ اخبارتازہ ترین - اے پی پی۔ 16 مئی2018ء) ملک بھر میں رمضان المبارک (آج) جمعرات سے شروع ہو گا۔ وزارت مذہبی امور و بین المذاہب ہم آہنگی کی جانب سے جاری کئے گئے نوٹیفکیشن میں مرکزی رویت ہلال کمیٹی مفتی منیب الرحمان کے چاند نظر آنے کے اعلان کا حوالہ دیتے ہوئے کہا گیا کہ رمضان المبارک (آج) جمعرات سے شروع ہو گا۔

(جاری ہے)

واضح رہے کہ مرکزی رویت ہلال کمیٹی کا اجلاس محکمہ موسمیات کراچی کے دفتر میں ہوا جہاں چاند نظر آنے سے متعلق شہادتیں اکٹھی کی گئیں۔ لوئر دیر، بونیر، نتھیا گلی، ایبٹ آباد اور کوئٹہ سمیت ملک بھر سے چاند نظر آنے کی شہادتیں موصول ہوئیں۔