کراچی،متحد ہ مجلس عمل کے تحت بیت المقدس میں امریکی سفارتخانے کی منتقلی اور 60سے زائد فلسطینیوں کی شہادت کے خلاف کل جمعہ کوملک گیر یوم احتجاج منایا جا ئے گا

جمعرات 17 مئی 2018 00:05

کراچی(اُردو پوائنٹ اخبارتازہ ترین - آن لائن۔ 16 مئی2018ء) متحد ہ مجلس عمل کے تحت بیت المقدس میں امریکی سفارتخانے کی منتقلی ، اسرائیلی فوج کی حالیہ درندگی میں 60سے زائد فلسطینی مسلمانوں کی شہادت اور ڈھائی ہزار مسلمانوں کے زخمی ہونے کے خلاف جمعہ 18مئی کو ملک گیر یوم احتجاج منایا جا ئے گا ۔

(جاری ہے)

اس سلسلے میں کراچی میں مرکزی مظاہرہ بعد نماز جمعہ ڈیڑھ بجے جامع مسجد بنوری ٹاؤن کے باہر ہوگا ۔ مظاہرے سے مجلس عمل کراچی کے صدر حافظ نعیم الرحمن و دیگر رہنما خطاب کریں گے ۔ علاوہ ازیں یوم احتجاج کے دوران شہر بھر میں مساجد کے باہر بعد نماز جمعہ احتجاجی مظاہرے کیے جائیں گے ، جن سے مجلس عمل میں شامل مختلف جماعتوں کے مقامی رہنما اور قائدین خطاب کریں گے ۔#