آصف علی زرداری کی رمضان المبارک کا چاند نظر آنے پر دنیا بھر کے مسلمانوں کو مبارکباد

جمعرات 17 مئی 2018 00:03

اسلام آباد ۔ (اُردو پوائنٹ اخبارتازہ ترین - اے پی پی۔ 16 مئی2018ء) سابق صدر پاکستان آصف علی زرداری نے رمضان المبارک کا چاند نظر آنے پر دنیا بھر کے مسلمانوں خاص طور پر ہم وطن مسلمانوںکو مبارکباد دی ہے۔ ایک پیغام میں آصف علی زرداری نے کہا کہ رمضان المبارک کا مہینہ انتہائی برکتوں والا مہینہ ہے۔

(جاری ہے)

ہمیں چاہیے کہ ہم نبی پاک حضرت محمد مصطفی ﷺکی سیرت مبارک پر عمل کرتے ہوئے دکھی اور ضرورتمند بھائیوں کا خیال رکھیں، صبراور برداشت کے زریں اصولوں کو مشعل راہ بنائیں۔ آصف علی زرداری نے کہا کہ ضرورت اس بات کی ہے کہ ہم اپنے نبی پاکﷺ کے راستے کو مشعل راہ بناتے ہوئے پرامن اور مہذب معاشرے کے لئے اپنا کردار ادا کریں۔