سکیورٹی پر مامور عملے نے نواز شریف کی بات ماننے سے انکار کر دیا

بدھ 16 مئی 2018 18:59

اسلام آباد(اُردو پوائنٹ اخبارتازہ ترین - آن لائن۔ 16 مئی2018ء) احتساب عدالت اسلام آباد سکیورٹی پر مامور عملے نے میاں نواز شریف کی بات ماننے سے انکار کر دیا۔

(جاری ہے)

طویل ترین لوڈشیڈنگ کی وجہ سے کمرہ عدالت میں حبس تھا جس کی وجہ سے میاں نواز شریف گرمی برداشت نہ کر سکے اور انہوں نے سکیورٹی پر مامور عملے کے ایک شخص کو اپنے پاس بلایا اور اسے کھڑکیاں کھولنے اور پردے ہٹانے کا کہا کہ تازہ ہوا اندر آئے جس پر اس شخص نے کہا کہ’’ سوری سر ‘‘ میں ایسا کرنے کا مجاز نہیں ۔

گرمی کی بدولت میاں نوازشریف اپنی نشست پر پہلو بدلتے رہے اور بے چین نظر آئے ۔ وزیر اعظم شاہد خاقان عباسی کے ترجمان ڈاکٹر مصدق ملک کے کمرہ عدالت میں آنے کے بعد سابق وزیر اعظم نے انہیں نوٹ شدہ کاغذات دیئے اور ضروری ہدایات بھی دیں جنہیں انہوں نے اپنی جیب میں ڈال دیا ۔ ۔