آرمی چیف قمر جاوید باجوہ سے نیپالی ہم منصب راجندر اچھتری کی ملاقات

نیپالی آرمی چیف نے دہشتگردی کیخلاف جنگ اور خطے میں امن و استحکام کیلئے پاک فوج کی قربانیوں اور کوششوں کو سراہا

بدھ 16 مئی 2018 16:20

راولپنڈی(اُردو پوائنٹ اخبارتازہ ترین - این این آئی۔ 16 مئی2018ء) پاک فوج کے سربراہ جنرل قمرجاوید باجوہ سے ان کے نیپالی ہم منصب راجندرا چھتری نے راولپنڈی میں ملاقات کی ،ْنیپالی آرمی چیف نے دہشتگردی کیخلاف جنگ اور خطے میں امن و استحکام کیلئے پاک فوج کی قربانیوں اور کوششوں کو سراہا۔

(جاری ہے)

آئی ایس پی آر کے مطابق آرمی چیف جنرل قمرجاوید باجوہ سے نیپالی چیف آف آرمی سٹاف جنرل راجندرا چھتری نے ملاقات کی جس میں باہمی دلچسپی، فوجی تعاون، خطے کی سلامتی کی صورتحال اور دوطرفہ تعاون کے فروغ سے متعلق اقدامات پر بھی بات چیت کی گئی۔

نیپالی آرمی چیف نے خطے میں دہشت گردی کیخلاف جنگ میں پاک فوج کی قربانیوں کوسراہا۔ انہوںنے کہاکہ پاکستانی افواج نے دہشتگردی کیخلاف جنگ میں مخلصانہ کوششیں کیں، خطے میں امن واستحکام کیلئے پاک فوج کی قربانیاں اور کوششیں قابل ستائش ہیں۔قبل ازیں نیپالی آرمی چیف کو جی ایچ کیو راولپنڈی پہنچنے پر گارڈ آف آنر پیش کیا گیا ،ْانہوں نے یادگار شہداء پر پھول بھی چڑھائے۔