سی پیک میں مغربی روٹ کا کوئی حصہ نہیں ،کوئٹہ شہر کیلئے میٹروبس منصوبہ دیا جائے، محترمہ نسیمہ حفیظ پانیزئی
دفاع کے مقابلے میں تعلیم وصحت کیلئے کم فنڈز مختص کیئے گئے ہیں، ہنگامی بنیادوں پر زیر تعمیر ڈیمز کیلئے فنڈز کی اجراء اور نئے ڈیمز کیلئے فنڈز مختص کیئے جائیں، رکن قومی اسمبلی
منگل 15 مئی 2018 23:58
(جاری ہے)
انہوں نے کہا کہ اس بجٹ میں ہمارے صوبے بالخصوص پشتون علاقوں کیلئے کسی میگا پروجیکٹ کا ذکر نہیں ہے ، ہمارا صوبہ خشک سالی سے دوچار ہے یہاں کے عوام کا واحد ذریعہ معاش زراعت سے وابستہ ہے جس کیلئے ہنگامی بنیادوں پر زیر تعمیر ڈیمز کیلئے فنڈز کی اجراء اور نئے ڈیمز کیلئے فنڈز مختص کیئے جائیں تاکہ ایک جانب عوام کا ذریعہ معاش بچ سکیں اور دوسری جانب لوگوں کے نقل مکانی کے امکانات ختم ہو ۔
اسی طرح ژوب ،لورالائی ،قلعہ سیف اللہ ، موسیٰ خیل ،پشین اور چمن کیلئے کوئی بھی منصوبہ نہیں رکھا گیا اور نہ ہی سولر سسٹم کیلئے کوئی منصوبہ شامل ہے جبکہ سماولنگ اور دکی کے لئے پہلے سے بجلی پیدا کرنے کی منصوبہ بندی کی جائے اور اس کیلئے فنڈز مختص کیئے جائیں ۔ انہوں نے کہا کہ اس ملک کیلئے جتنے قرضے لیئے گئے ہیں اس میں ہماری رضا مندی شامل نہیں ہے ان قرضوں کا زیادہ حصہ دفاعی بجٹ کیلئے مختص کیا گیاہے ہم دفاع سے غافل نہیں رہ سکتے لیکن اس کو بھی مد نظر رکھا جائیں کہ تعلیم اور سائنسی علوم وجدید ٹیکنالوجی کے ذریعے ہی قومیں دنیا کی ترقی یافتہ ممالک میں شامل ہوئے ہیں۔ انہوں نے کہا کہ پشتونخوامیپ نے اس فلور پر ہمیشہ اس بات کی نشاندہی کی ہے کہ سی پیک میں ہمارے مغربی روٹ کا کوئی حصہ نہیں ہے یہ ہمارے عوام کے ساتھ ذیادتی کے مترادف ہے اور ملکی یکجہتی کیلئے نیک شگون نہیں ۔ اسی طرح ریلوے کے کوئٹہ ژوب ڈیرہ اسماعیل خان سیکشن کو نظر انداز کیا گیا ہے حالانکہ مغربی روٹ گوادر کو خیبر پشتونخوا ، پنجاب اور افغانستان سے ملانے کا مختصر ترین روٹ ہے اس کیلئے خصوصی فنڈز رکھے جائیں ۔ اور ژوب کوئٹہ شاہراہ کیلئے صرف 50کروڑرکھنا زیادتی ہے ہمارے صوبے کے شاہراہوں کی تعمیر کیلئے وفاقی پی ایس ڈی پی میں خاطر خواہ اضافہ لازمی ہے اس کے ساتھ ساتھ صوبائی دارالحکومت کوئٹہ شہر کیلئے باقی صوبوں کی طرح میٹروبس منصوبہ دیا جائے ، صوبے کے پشتون علاقوں کو افغانستان کے ساتھ تجارتی روابط بڑھانے کیلئے مختلف پوائنٹس پر گیٹ وے کی تعمیر کیلئے فنڈز مختص کیئے جائیں ، وفاقی بجٹ میں ہمارے صوبے کے پشتون علاقوں خصوصاً کوئٹہ میں پینے کے صاف پانی اور دیگر ترقیاتی بجٹ کیلئے خصوصی گرانٹ کا اعلان فوراً کیا جائے۔ انہوں نے کہا کہ ایک اہم قرار داد جو کہ سینٹ سے 20اکتوبر 2017کو پاس ہوئی ہے اس قرار کے مطابق قدرتی گیس کی گھریلو استعمال کیلئے ٹیرف سلیب کو Reviseکیا جائے اور اس بجٹ میں فنڈز مختص کیئے جائے ۔ انہوں نے کہا کہ پشتون علاقوں چمن ، کاریزات ، خانوزئی ، برشور ، توبہ کاکڑی ، مسلم باغ ،قلعہ سیف اللہ کو کوئٹہ سے منسلک کرکے گیس پائپ لائن دی جائے۔ اور ورکرز ویلفیئر بورڈ کے تحت ضلع پشین کے لئے منظور شدہ میڈکل کالج کو بمقام خانوزئی قائم کرنے کیلئے فنڈز رکھے جائیں ، اسی طرح ژوب ، موسیٰ خیل ، لورالائی ، زیارت ، پشین ، چمن میں خواتین کیلئے خصوصی تربیتی مراکز قائم کی جائے اور انہی شہروں میں کھیلوں کے میدانوں کیلئے خصوصی اقدامات کیئے جائیں۔ جبکہ وفاقی پی ایس ڈی میں چمن شہر میں یونیورسٹی قائم کرنے کیلئے فنڈز کا فوری طور پر اجراء کیا جائے ۔انہوں نے کہا کہ جناب اسپیکر صاحب میں آپ کو خراج تحسین پیش کرتی ہو ں کہ آپ جناب نے اس ہائوس کو خوش اسلوبی وانصاف کے ساتھ چلایا مگر افسوس کہ پچھلے پانچ سال میںآپ اور اس پارلیمنٹ نے خواتین اراکین اسمبلی کیلئے کسی بھی بجٹ میں فنڈز مختص نہیں کیئے اور نہ ہی اس مسئلے کو سنجیدگی سے لیا ۔مزید قومی خبریں
-
ہفتہ وار مہنگائی میں معمولی کمی، 4 اشیائے ضروریہ مہنگی، 18 سستی ہوئیں
-
لاہورہائیکورٹ،عون چودھری کی این اے 128 سے کامیابی کیخلاف درخواست سماعت کیلئے مقرر کرنے کا حکم
-
خواجہ سلمان رفیق کا گنگارام ہسپتال کا دورہ، مدر اینڈ چائلڈ بلاک میں جاری ری ویمپنگ منصوبے کا جائزہ لیا
-
پتنگ بازی کی روک تھام کے لئے ڈرون کیمروں کی مدد سے مانیٹرنگ شروع
-
لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
-
پنجاب میں پاکستان کی تاریخ کا سب سے بڑا’’محمد نواز شریف کسان کارڈ‘‘ ،وزیراعلیٰ مریم نوازشریف نے منظوری دیدی
-
پی آئی اے کی فضائی میزبان ٹورنٹو ائیرپورٹ پرزیرحراست
-
ریاست کی رٹ چیلنج کرنے والے سے آہنی ہاتھوں سے نمٹیں گے، وزیراعلیٰ بلوچستان
-
صنم جاوید اور عالیہ حمزہ ایک اور مقدمے میں گرفتار
-
سینیٹ انتخابات میں زلفی بخاری کے کاغذات مسترد کرنے کے خلاف اپیل پر فریقین سے جواب طلب
-
بلاول بھٹو زرداری کا بہاولپور کے پارٹی رہنما ارشاد احمد سرویا کے انتقال پراظہار تعزیت
-
ہر ترقیاتی منصوبے میں شفافیت کو سو فیصد یقینی بنایا جائے‘خواجہ سلمان رفیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.