ْوزیراعظم شاہد خاقان عباسی کی ہدایت پر 18 مئی کو یوم یکجہتی فلسطین کے طور پر منایا جائے گا

منگل 15 مئی 2018 23:54

اسلام آباد۔ (اُردو پوائنٹ اخبارتازہ ترین - اے پی پی۔ 15 مئی2018ء) وزیراعظم شاہد خاقان عباسی کی ہدایت پر 18 مئی کو یوم یکجہتی فلسطین کے طور پر منایا جائے گا۔

(جاری ہے)

وزیراعظم آفس سے جاری بیان کے مطابق یوم یکجہتی فلسطین منانے کا مقصد بطور قوم اپنے فلسطینی بھائیوں سے مکمل یکجہتی کا اظہار کرنا ہے۔ اس روز ظلم و ستم اور بربریت سے متاثرہ فلسطینی عوام کیلئے خصوصی طور پر دعائوں کا اہتمام کیا جائے۔ وزیراعظم شاہد خاقان عباسی نے کہا کہ حکومت پاکستان اور پاکستانی عوام اپنے فلسطینی بھائیوں کی حمایت جاری رکھیں گے اور ہر فورم پر ان کا مقدمہ پیش کرتے رہیں گے۔