آب زم زم کی حفاظت کی جائے،خادم حرمین شریفین شاہ سلمان بن عبدالعزیز

آب زم زم کا ذائقہ بدلا بدلا ہے، کیا انتظامیہ کچھ ملاوٹ کر رہی ہے،سعودی فرمانروا

منگل 15 مئی 2018 23:38

آب زم زم کی حفاظت کی جائے،خادم حرمین شریفین شاہ سلمان بن عبدالعزیز

مکہ مکرمہ(اُردو پوائنٹ اخبارتازہ ترین - آئی این پی۔ 15 مئی2018ء) خادم حرمین شریفین شاہ سلمان بن عبدالعزیز نے کہا ہے کہ آب زم زم کی حفاظت کی جائے،آب زم زم کا ذائقہ بدلا بدلا ہے کیا انتظامیہ کچھ ملاوٹ کر رہی ہے۔

(جاری ہے)

غیر ملکی میڈیا کے مطابق خادم حرمین شریفین شاہ سلمان بن عبدالعزیز نے حرمین شریفین انتظامیہ کے سربراہ اعلیٰ ڈاکٹر عبدالرحمن السدیس کو ٹیلیفون کرکے دریافت کیا ’’کیا آپ لوگ آب زمزم میں کوئی اور چیز شامل کررہے ہو اسکا ذائقہ بدلا بدلا لگ رہا ہے، آب زمزم کی حفاظت کی جائے‘‘ ڈاکٹر عبدالرحمن السدیس نے مکہ مکرمہ میں سالانہ ابلاغی ملاقات کے موقع پر اعلان کیاکہ آب زمزم سبیل کے حوالے سے نیا منصوبہ نافذ کیا جائیگا۔

مستقبل میں آب زمزم ہر ایک کی دسترس میں ہوگا۔ علامتی قیمت پر مہیا ہوگا۔ بلیک مارکیٹ اور ملاوٹی زمزم کے خاتمے کیلئے نیا انتظام کیا جائیگا۔ آب زمز م کے کین مختلف سائز اور حجم کے ہونگے۔