پی ٹی آئی نے خیبر پختونخوا کو تباہ کر کے رکھ دیا ،عمران نیازی کے وعدے جھوٹے نکلے‘شہبازشریف
تازہ ترین : 1

پی ٹی آئی نے خیبر پختونخوا کو تباہ کر کے رکھ دیا ،عمران نیازی کے وعدے جھوٹے نکلے‘شہبازشریف

خان صاحب میٹروبس کو جنگلہ بس کہتے رہے ، حکومت ختم ہونے والی ہے لیکن یہ جنگلہ بس پشاور میں نہیں چل سکتی عمران نیازی نے وعدہ کیا تھا کہ وہ ہزاروں میگاواٹ بجلی پیدا کرینگے،لیکن پی ٹی آئی نے 6میگاواٹ منفی بجلی پیدا کی جو شخص جھوٹے وعدے کرے اورعوام کو دھوکہ دے ،کیا اسکو عوام کی رہنمائی اورحکومت کرنے کا حق پہنچتا ہے ایک ارب درخت لگانے کا دعویٰ بھی جھوٹ نکلا،عمران خان نے جھوٹ بولا اورجھوٹ کے ریکارڈ قائم کیے ہیں اگر اللہ تعالیٰ کو منظور ہوا تو ہم اگلے پانچ برس کے دوران کے پی کے کو پنجاب اور پشاور کو لاہور بنا دینگے پاکستان مسلم لیگ(ن) کے صدر اور وزیراعلیٰ پنجاب محمد شہبازشریف کا بٹگرام میں جلسے سے ٹیلی فونک خطاب

پی ٹی آئی نے خیبر پختونخوا کو تباہ کر کے رکھ دیا ،عمران نیازی کے وعدے ..
لاہور(اُردو پوائنٹ اخبارتازہ ترین۔ 15 مئی2018ء) پاکستان مسلم لیگ(ن) کے صدر اوروزیراعلیٰ پنجاب محمد شہبازشریف نے کہا ہے کہ پی ٹی آئی نے خیبر پختونخوا کو تباہ کر کے رکھ دیا ہے اورپورے شہر کا حلیہ بگاڑ دیاگیا ہے،،عمران خان نیازی نے قوم سے جو وعدے کئے وہ جھوٹ ثابت ہوئے،خان صاحب نے پہلے اعلان کیا کہ میں پشاور میں جنگلہ بس نہیں بناؤں گا لیکن پھر انہیں سوتے میں خیال آیا کہ جنگلہ بس کا منصوبہ بنایا جائے،خان صاحب جس میٹروبس کو جنگلہ بس کہتے رہے اب انہوںنے وہی جنگلہ بس پشاور میں بنانا شروع کی ہے،اب جبکہ حکومت کی آئینی مدت ختم ہونے والی ہے لیکن یہ جنگلہ بس پشاور میں نہیں چل سکتی۔

وہ خیبرپختونخواکے ضلع بٹگرام میں جلسے سے ٹیلی فونک خطاب کررہے تھے۔شہبازشریف نے آج بٹگرام جا کرجلسے سے خطاب کرنا تھا تاہم موسم کی خرابی کے باعث وہ بٹگرام نہ جاسکے۔محمد شہبازشریف نے اپنے ٹیلی فونک خطاب میں کہا کہ آج مجھے بٹگرام آنا تھا اورمیں بہت خوش تھاکہ آج کے پی کے کے بٹگرام میں آؤں گا اوراپنے ساتھیوں سے ملوں گا اورکچھ آپ کی باتیں سنو ں گاا ورکچھ اپنی باتیں سناؤں گااوربتاؤں گا کہ پی ٹی آئی کی حکومت نے کے پی کے عوام کے مسائل حل نہیں کیے بلکہ ان کا وقت ضائع کیا،منصوبے نہیں لگائے اورکے پی کے پانچ سال بعد اور پیچھے چلاگیا،لیکن موسم کی خرابی کے باعث میں آج نہیں آسکا ،انشاء اللہ جلد آپ سے ملنے آؤں گا۔

انہوںنے کہا کہ خیبرپختونخوامیں بسنے والے پاکستان کے غیورعوام ہیں۔انہوںنے کہاکہ عمران خان نیازی نے پانچ برس قبل قوم سے وعدہ کیا تھا کہ وہ ہزاروں میگاواٹ بجلی پیدا کریںگے اوراتنی بجلی پیدا کریں گے کہ نہ صرف پورے کے پی کے کو بجلی جائے گی بلکہ پورے پاکستان کو بجلی مہیا کروں گا،لیکن پانچ سال بعد صرف 74 میگا واٹ بجلی کے منصوبے لگائے جبکہ دوسری پچھلی حکومت نے 80میگاواٹ کا بجلی کا جو منصوبہ لگایا تھا وہ 2016ء میں خراب ہوگیا۔

پی ٹی آئی کی حکومت نے اس 80میگاواٹ بجلی کے منصوبے کی خرابی دور نہیں کی ،اس طرح پی ٹی آئی کی حکومت نے اپنے دور میں 6میگاواٹ منفی بجلی پیدا کی ہے۔جو شخص جھوٹے وعدے کرے اورعوام کو دھوکہ دے ،کیا اس کو عوام کی رہنمائی اورحکومت کرنے کا حق پہنچتا ہے محمد شہبازشریف نے کہا کہ ایک ارب درخت لگانے کا دعویٰ بھی جھوٹ نکلا۔۔عمران خان نے ہر موقع پر جھوٹ بولا اورجھوٹ کے ریکارڈ قائم کیے ہیں۔

اگر اللہ تعالیٰ کو منظور ہوا تو ہم اگلے پانچ برس کے دوران کے پی کے کو پنجاب اور پشاور کو لاہور بنا دینگے ۔ہزارہ ،بٹگرام اوردیگر شہروں میں ترقیاتی کام کرائیں گے۔خیبر پختونخوامیں ہم تعلیمی ادارے، ہسپتال،سکول، یونیورسٹیاں بنائیںگے اورلاکھوں لوگوں کو روزگار دیںگے،وظیفے دیںگے،،تعلیم دیںگے ،یہ تمام کام ہم کریں گے،میں انشاء اللہ جلد بٹگرام آؤں گا۔

مزید متعلقہ خبریں پڑھئیے‎ :

وقت اشاعت : 15/05/2018 - 18:44:19

اس خبر پر آپ کی رائے‎