نواز شریف کو کسی سے حب الوطنی کا سرٹیفکیٹ لینے کی ضرورت نہیں ہے‘ جس شخص نے دبائو برداشت کرکے پاکستان کو جوہری قوت بنایا اس کے خلاف الزامات افسوسناک ہیں‘ قومی سلامتی کمیٹی نے پاکستان کی طرف سے جان بوجھ کر ممبئی حملوں کے لئے حملہ آوروں کو بھیجنے کے الزام اور اس کی غلط رپورٹنگ کی مذمت کی ہے‘ پاکستان کی سرزمین کسی ملک کے خلاف استعمال نہ کرنے کی پالیسی پر کاربند رہیں گے‘ نواز شریف نے جس ایشو پر بات کی ہے اس پر ماضی میں جنرل (ر) پرویز مشرف ‘ جنرل (ر) شجاع پاشا‘ جنرل درانی ‘ عمران خان اور رحمان ملک کے بیانات بھی موجود ہیں، انتہا پسندوں اور غیر ریاستی عناصر کے بارے میں ایک جملہ غلط طریقے سے رپورٹ ہوا ہے‘ نواز شریف نے یہ نہیں کہا تھا کہ جن لوگوں نے ممبئی پر حملہ کیا تھا وہ لوگ پاکستان نے جان بوجھ کر بھیجے تھے‘ یہ اخذ شدہ تاثر بے بنیاد اور حقائق کے منافی اور مس رپورٹ ہے، اگر پارلیمنٹ حقائق اور مفاہمتی کمیشن بنانا چاہتی ہے تو ہمیں کوئی اعتراض نہیں
وزیراعظم شاہد خاقان عباسی کا قومی اسمبلی میں اظہار خیال
منگل 15 مئی 2018 13:20
(جاری ہے)
جن دوستوں نے ایوان میں دھواں دار تقریریں کی ہیں‘ انہوں نے محمد نواز شریف کا وہ انٹرویو بھی نہیں پڑھا ہوگا۔
اگر وہ انٹرویو پڑھتے تو یہ بات نہ کہتے۔ وزیراعظم نے کہا کہ غلط الزامات لگانے سے پہلے یہ سوچنا چاہیے تھا کہ وہ اس شخص پر الزامات لگا رہے ہیں جس شخص نے پاکستان کا دفاع ناقابل تسخیر بنایا اور دبائو برداشت کرکے پاکستان کو ایٹمی قوت بنایا۔ انہوں نے کہا کہ بھارتی میڈیا نے سابق وزیراعظم کے حوالے سے جو ایشو اٹھایا ہے وہ محمد نواز شریف کے ایک تفصیلی انٹرویو کا معمولی سا حصہ تھا۔ بھارتی میڈیا نے اسے اپنے مقاصد کے لئے توڑ مروڑ کر پیش کیا اور ہماری بدقسمتی ہے کہ بھارت نے اپنے مقاصد کے لئے جو کچھ کیا ہم نے بھی وہی باتیں لکھنی شروع کردیں اور بھارتی مقاصد کے لئے استعمال ہونا شروع ہوئے۔ کیا ہم اپنے آپ کو بھارتی مقاصد کے لئے استعمال ہونے کی اجازت دیں گے۔ وزیراعظم نے کہا کہ محمد نواز شریف نے جس ایشو پر بات کی ہے اس پر ماضی میں جنرل (ر) پرویز مشرف ‘ جنرل (ر) شجاع پاشا‘ جنرل درانی ‘ عمران خان اور رحمان ملک کے بیانات بھی موجود ہیں۔ وزیراعظم نے کہا کہ انتہا پسندوں اور غیر ریاستی عناصر کے بارے میں ایک جملہ غلط طریقے سے رپورٹ ہوا ہے‘ نواز شریف نے یہ نہیں کہا تھا کہ جن لوگوں نے ممبئی پر حملہ کیا تھا وہ لوگ پاکستان نے جان بوجھ کر بھیجے تھے‘ یہ اخذ شدہ تاثر بے بنیاد اور حقائق کے منافی اور مس رپورٹ ہے۔ وزیراعظم نے کہا کہ پاکستان مسلم لیگ (ن) اور پاکستان کی حکومت کی یہ دیرینہ پالیسی رہی ہے کہ ہم اپنی سرزمین کو کسی دوسرے ملک کے خلاف استعمال کرنے کی اجازت نہیں دیں گے۔ یہ صرف ہماری پالیسی نہیں تھی۔ پیپلز پارٹی کی حکومت اور پرویز مشرف کے دور میں بھی پاکستان کی یہی پالیسی تھی اور مستقبل کی پالیسی بھی یہی رہے گی۔ انہوں نے کہا کہ صورتحال کے تناظر میں قومی سلامتی کا اجلاس طلب کیا گیا تاکہ اس میں صورتحال واضح ہو سکے۔ اسے کوئی اور رنگ نہیں دینا چاہیے اور نہ ہی اس ایشو کو پھیلانا چاہیے۔ وزیراعظم نے کہا کہ اگر پارلیمان کے ارکان حقائق اور مفاہمتی کمیشن بنانا چاہتے ہیں تو ہم اس کے لئے تیار ہیں‘ اس طرح کے کمیشن پر بھی بات ہونی چاہیے لیکن قومی سلامتی سے متعلق معاملوں کو پریس کانفرنس کا موضوع بنانے سے گریز کرنا چاہیے کیونکہ یہ ملک کے مفاد میں نہیں ہے۔مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.